Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Ekuadorreko hiritar baten emazteari ez diote Bilbora etortzen utzi


2011-03-10 20:15

Ekuadorren dagoen Espainiako kontsulatuak bertako hiritar baten emazteari ez dio Estatuan sartzen utzi. Gizonak Bizkaian bizi eta lan egiten du eta belarrian daukan tumore bat kenduko diote.

38 urteko Jose Fredi Villalta Garcia Arrigorriagan (Bizkaia) bizi da. Villaltak Estatuan lan egiten du 2.000. urtetik. Villaltak adierazi duenez, Ekuadorreko Guayaquil herrian dagoen Espainiako kontsulatuak ez dio bere emazteari, Meiri Margota Bustamante Mendozari, Bilbora etortzen utzi, bidaiaren arrazoia argi ez egoteagatik eta Estatura lan egitera joan nahi dela iritzita.

Villaltari bi aldiz ebakuntza egin diote belarrian duen tumore batengatik. Iragan urtean bere emaztearekin biltzeko izapide guztiak egin zituen, baina Guayaquilen beti oztopoak jartzen zizkioten.

Basurtuko Ospitalean berriz ere ebakuntza egin behar zuela ezagutzean, kontsulatura ospitaleak emandako osasun-ziurtagiria bidali zuen, baina horretan ere ez diote jaramonik egin.

Guayaquileko Espainiako kontsulatuan berriro aztertzeko helegitea aurkeztuko dutela adierazi du Javier Galparsoro Villaltaren abokatuak. Horrez gain, Espainiako Herriaren Defendatzailearen aurrean kexa bat aurkeztuko du. Galparsorok gogorarazi duenez, bisa bat ukatzen duten aurreneko aldia ez da.



Informazio gehiago:Eitb: Ekuadorreko hiritar baten emazteari ez diote Bilbora etortzen utzi

232 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin