Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Eguzkia eta hodeiak tarteka, eta 25° inguruko tenperatura, EAEn


2011-05-18 11:44

Euskalmetek iragarri duenez, eguzkia hizpide izango dugu, hodeiak tartean. Tenperaturak atseginak izango dira eta astebururako, giro egonkorra espero dugu.

Giro egonkorra iragarri du datozen egunetarako Euskalmet Euskal Meteorologia Agentziak. Hodeiak eta eguzkia tartekatuko dira eta udaberriko tenperaturak nagusituko dira: termometroak 25°, gehienez jota, harrapatuko ditu.

Asteazkeneko eguna giro ederrarekin hasiko badugu ere, orduak igaro ahala, ezegonkortasuna areagotuz joango da. Arratsaldean hodei trinkoagoak sartuko dira eta zaparrada trumoitsuak nonahi bota ditzakeen arren, ekaitzetarako joera nabariagoa izango da mendebaldetan eta Piriniotan. Tenperaturak bero puntua harrapatuko du zenbait puntutan, beroenak 23-25 °C ingurukoak izango baitira. Ekialdeko haizea ibiliko da, indar gutxirekin, eta arratsaldean ipar-ekialdetik sartuko da.

Ostegunean, berriz, giroak egonkortzera egingo du eta noizean behin, tantaren bat bota dezakeen arren, oro har, ateri eutsiko dio. Hodeiak eta urdinguneak tartekatuko dira, baina egunak aurrera egin ahala, garbitzera egingo du. Tenperaturak ildo beretik jarraituko du eta ekialdeko haize ahula ibiliko da.

Asteburuaren atarian giro eguzkitsua izango dugu. Arratsaldean eta Pirinio aldean zaparrada trumoitsuren bat bota dezakeen arren, egunaren zatirik handienean eguraldi ederraz goza ahal izango dugu. Norabide aldakorreko haize ahula ibiliko da, ipar ukitua nagusituz arratsaldean. Tenperatura goxoarekin jarraituko dugu, epelenak 22°-25° artekoak izango dira.



Informazio gehiago:Eitb: Eguzkia eta hodeiak tarteka, eta 25° inguruko tenperatura, EAEn

62 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin