Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Eguraldiak hobera egingo du egunak aurrera egin ahala


2011-08-08 09:11

Tenperatura jaitsi egingo da eta 20 °C-ren bueltan joko dute goia termometroek. Asteartean, aldiz, eguzkiak indarra hartuko du eta tenperaturak gora egingo du, 22-25 °C-ra iritsiko da.

Arratsalderako argituz joango da astelehen honetan. Goizeko lehen orduetan, hodeiak nagusi izango dira zeru-gainean, bereziki kantauriar isurialdean, eta han-hemenka euria egingo du, Euskalmet Euskal Meteorologia Agentziaren arabera. Egunak aurrera egin ahala, ostarteak zabalduz joango dira eta arratsaldean urdingune ederrak nagusituko dira, bereziki barnealdean. Haizeak ipar-mendebaldetik joko du. Tenperatura jaitsi egingo da eta 20 °C-ren bueltan joko dute goia termometroek.

Asteartean goizeko lehen orduetan, baliteke itsasaldetik sartutako hodeiek zirimiria uztea kantauri isurialdeko hainbat puntutan. Hala ere, goizean zehar, eguzkia indartuz dioan heinean, hodeiak desegiten joango dira eta urdinguneak gailenduko dira eguerdirako. Arratsaldean, eguzkia jaun eta jabe izango da zeru-gainean. Tenperaturak gora egingo du, eta 22-25 °C artean geldituko dira.

Asteazkenean giro ederra nagusituko da. Eguzkiak bete-betean joko du eta goiz goizeko behe-hodeiak salbu, gainontzeko orduetan zerua ia oskarbi agertuko da. Tenperatura maximoak igo egingo dira, 26 °C-ra ingurura iritsiko dira barnealdean.

Ikus itzazu erabiltzaileek bidalitako argazkiak Eguraldiblogen.



Informazio gehiago:Eitb: Eguraldiak hobera egingo du egunak aurrera egin ahala

60 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin