Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Egiptoko Poliziak ez zituen istiluak saihestu, futbolzaleen beldur


2012-02-01 09:45

74 pertsona hil, 248 zauritu eta beste 47 pertsona atxilotu dituzte Port Said hirian futbol partida baten osteko istiluetan. Egiptoko Batzorde Militarrak hiru dolu-egun ezarri ditu.

Poliziak ez zuen Egiptoko futbol partida saihesten ahalegintzeko esku-hartu, bi taldeetako zale porrokatuen beldur zelako, hala ziurtatu du Port Said hiriko futbol zelaiko zuzendariak, Mohamed Yunisek.

Poliziak ez zuen esku-hartu, begira egon ziren, zale porrokoatuek eraso egingo zieten beldur zirelako, adierazi du Yunisek. Port Saideko futbol zelaian oraindik atzoko istiluen arrastoak nabarmenak dira, 74 pertsona hil ziren, bertan. Egiptoko Batzorde Militarrak hiru dolu-egun ezarri ditu.

74 hildako

74 pertsona hil dira, tartean polizia bat, eta 248 zauritu dira asteazken honetan Egipton, futbol partida baten ondoren sortu diren istilu larrietan, bertako gobernuak baieztatu duenez. Egiptoko Barne Ministerioak ohar batean jakinarazi dutenez, orain arte 47 pertsona atxilotu dituzte, nahiz eta atxiloketak oraindik bukatutzat ez eman.

Port Said hirian izan da liskarra, Egiptoko ipar-ekialdean. 3-1 markagailuarekin bukatu da El Cairoko Al Ahli taldearen eta Port Said hiriko Al Masri taldearen arteko norgehiagoka. Masry taldeko jarraitzaileek zelaira egin dute salto, eta kanpoko taldeko jokalarien aurka joan dira, korrika. Bi taldeetako jarraitzaileen arteko liskarra sortu da orduan.

Helmy Ali al Atny hiriko Osasun ordezkariak azaldu duenez, hildako gehienek aurpegi hausturak eta barne odoljarioak izan dituzte. Futbol zelaiko harmaletatik erorita ere zendu dira hainbat pertsona.

Ondoren, Armadaren eta Poliziaren kontrolpean geratu segurtasuna, eta bi helikoptero bidali dituzte Port Said hirira, Al Ahli taldeko jokalariak Kairora eramateko eta zauritutako batzuk ere bertatik ateratzeko. Al Ahli taldeko jarraitzaileak hiritik ateratzeko autobusek ere Armadaren babesa behar izan dute.

Egiptoko futbol txapelketa bertan behera utzi dute, Egiptoko Batzorde Militarrak, berriz, hiru dolu-egun deitu ditu.

Jokalarien adierazpen gogorrak, futbol zelaitik

Segurtasun indarrek ez gaituzte babestu, esan du Mohamed Abou-Treika Masry taldeko jokalariak futbol zelaitik bertatik. Jarraitzaileetako bat aldageletan hil berri da, nire aurrean, esan du. 

Mohamed Barakat jokalariak ere hainbat hildako zeudela baieztatu du. Hilotzak ikusten ari gara. Hemen ez dago segurtasun indarrik ezta Armadako kiderik gu babesteko.

Anai Musulmanen salaketa

Anaia Musulmanek Mubaraken jarraitzaileei egotzi dizkiete asteazken honetako liskarrak. Port Saideko gertakariak antolatuta daude, eta lehengo erregimeneko jarraitzaileen mezua da, esan du Esam al Arian, PLJ Anai Musulmanen alderdi politikoko presidenteordeak.

Istilu



Informazio gehiago:Eitb: Egiptoko Poliziak ez zituen istiluak saihestu, futbolzaleen beldur

56 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin