Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Egibarrek baztertu egin du Bildu-Aralar-EAJ koaliziorako proposamena


2011-08-11 14:03

Joseba Egibarrek esan du batzuentzat erakargarria izan daitekeela Bilduk EAJri eta Aralarri koalizioa egiteko egindako proposamena, baina zintzoa eta errealista ez dela azpimarratu du.

EAJ ez dago prest datozen hauteskunde orokorretara Bildurekin eta Aralarrekin koalizioan aurkezteko. Joseba Egibarren agiri baten bidez esan duenez, bakoitzak bere bidea egin behar du, elkarbizitza baketsuaren, eraikuntza nazionalaren eta independentziaren autopistatik ateratzeko.

Gainera, Bilduk EAJri eta Aralarri koalizioa egiteko luzatu dien proposamena ez da zintzoa, ezta errealista ere, esan du eta ezker abertzalea Sorturen legeztatzearen zain dagoela ekarri du gogora.

Une honetan garrantzitsuena behin betiko bakea lortzeko oinarriak ezartzea da, elkarrizketaren bidez elkarrenganako errespetua eta konfidantza bereganatzea, Sorturen legeztatzea eskuratzea, ETAk armak uztea eta gatazka politikoaren konponbiderako proposamen demokratiko positiboak zehaztea, azaldu du.

Gipuzkoa Buru Batzarreko presidenteak uste du Bilduren proposamena erakargarria izan daitekeela batzuentzat, baina ez da errealista, batzuen eta besteen lehentasun eta helburuekin bat ez datorrelako.

Gauzak horrela, azken 35 urte hauetan euskal abertzaletasunaren bi alde ordezkatzen dituzten EAJ eta ezker abertzalea orain hauteskundeetara koalizioan joateko zer aldatu den galdetu du.




Informazio gehiago:Eitb: Egibarrek baztertu egin du Bildu-Aralar-EAJ koaliziorako proposamena

44 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin