Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Egibar: Kutxen bat-egitea ongietorria izango da edozein eratara


2011-03-23 11:09

Gipuzkoako EAJren presidenteak azaldu duenez, bere alderdiaren apustua batzea eta biderkatzea da, baina hoberena hiruko bat-egite beroa da.

Joseba Egibar EAJren Legebiltzarreko bozeramaileak esan du euskal kutxen bat-egitea ongietorria izango dela edozein eratara.

ETBko Egunon Euskadi saioan egin dioten elkarrizketa batean Egibarrek azaldu duenez, bere alderdiaren apustua batzea eta biderkatzea da, baina hoberena hiruko bat-egite beroa da.

Haren esanetan, euskal kutxek badute kaudimena eta elkartzeko eta batzeko ahalegina egin behar dute. Horretarako, Egibarrek uste du pausoak ematea eta erabakiak hartzea kutxei dagokiela.

Epeak aipatu nahi izan ez baditu ere, GBBren presidenteak esan du BBK, Kutxa eta Vital elkartzeko esfortzuetan partehartzearen alde daudela hein handi batean.

Buruzagi jeltzaleak kritikatu du alderdi politikoren batek betoa egin duelako ez dela bat-egitea gauzatu.

Ez dute Hamaikabatekin koaliziorik egingo

Egibarrek esan du erabat baztertu dutela Hamaikabatekin koalizioa osatu eta maiatzeko udal eta foru hauteskundeetan elkarrekin aurkeztea.

Ezker abertzalea hauteskundeetan izango da

Bestalde, Egibarrek ziur esan du ezker abertzalea maiatzeko hauteskundeetan izango dela. Ziur nago ez duela boto baliogaberik edo abstentzioa eskatuko, parte hartuko dute, adierazi du.

Gipuzkoako EAJren presidentearen esanetan, Sortu legezko alderdia ez bada ere hauteskundeak iristerako, ezker abertzalea koalizioan joango da EArekin eta Alternatibarekin, nahiz eta Poliziak hautagai zerrenden ikerketetan indar handia jarri.

Joseba



Informazio gehiago:Eitb: Egibar: Kutxen bat-egitea ongietorria izango da edozein eratara

73 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin