Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Edozein hitz erabili ahalko da Interneteko domeinu bat sortzeko


2012-01-09 17:08

Internet sortu zutenetik, Sareak bizi izan duen aldaketa handienetako bat izango da. Hainbat enpresek neurriak gastuak areagotu egingo dituela eta iruzurraren arriskua handitu egingo dela esan dute.

Datorren urtarrilaren 12tik aurrera, erabiltzaileek edozein hitz erabili ahalko dute Sarean domeinu bat sortzeko. Hainbat enpresek neurriarekin ados ez daudela adierazi dute, baina, hala eta guztiz ere, ostegunean martxan jarriko dute.

Gaur egun, .com eta .org bezalako 22 domeinu inguru erabili daitezke. Gainera, herrialdeek .es (Espainiaren kasuan) modukoak erabili ditzakete. Enpresen aburuz, nahikoak dira gaur egun hautatu daitezkeen domeinuak, eta 40 enpresa handik, Coca Cola horien artean, domeinua sortzeko edozein hitz erabili ahal izateak gastuak areagotuko ditu eta iruzurra egiteko arriskua ere handiagoa izango da.

Internet sortu zutenetik Sareak bizi iza duen aldaketarik handiena izango da eta ICANN (Internet Corporation for Assigned Names and Numbers) erakundeak koordinatuko du. ICANN irabazi-asmorik gabeko nazioarteko elkartea da eta IPak eta lehen mailako domeinuak (gTLD) eta herrialdeetako kodeak (ccTLD) banatzeko ardura du.

1985an .com kaleratu zutenetik, Interneteko arau zorrotzetan egin den azken aldaketa handia da ostegunetik aurrera biziko duguna. Iaz, .xxx domeinua sortu zuten helduentzako edukiak eskaintzen zituzten atarientzat. Bederatzi hilabetetan, 250.000 webgune bildu ditu domeinu horrek.

Hala ere, aldaketa berri horrek webgunea nork bere modura jartzeko prozesua beste maila batera eramango du. Horrela, erakunde eta marka askok aukera ona bat ikusi dute neurri berri horretan, baina beste hainbatek identitatearen ordeztea arrisku bat dela uste dute.

Munduko enpresa garrantzitsuenetakoek, Coca-Cola eta Jhonson & Jhonson besteak beste, neurriak gastuak areagotu egingo dituela eta iruzurraren arriskua handitu egingo dela esan dute.

Eskakizunak egiteko epea apirilaren 12an amaituko da eta, horren ostean, azterketa prozesuak zortzi hilabete iraungo ditu.

Lehen domeinuak 2013an martxan jarriko dituztela iragarri dute. Bitartean, ICANNk 4.000 aplikazio sortuko direla uste du.

Ordenagailu



Informazio gehiago:Eitb: Edozein hitz erabili ahalko da Interneteko domeinu bat sortzeko

64 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin