Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EBren finantzaketa eredua konpontzea lehentasuna dela uste du Navalek


2011-11-14 19:31

Ontzien finantzaketa ereduaren (tax lease) inguruan sortutako arazoa konpontzea beharrezkoa dela uste dute Sestaoko ontziolako enpresa-batzordeak, zuzendaritzak eta Eusko Jaurlaritzak.

Ontzien finantzaketa ereduaren inguruan sortutako arazoa konpontzea lehentasuna dela uste dute La Naval Sestaoko (Bizkaia) ontziolako enpresa-batzordeak, konpainiako zuzendaritzak eta Eusko Jaurlaritzak, sindikatuetako iturrien arabera.

Ontziolak lanik ez du eta Navaleko zuzendaritzak argudiotzat erabili zuen Lana Erregulatzeko Espediente bat aurkezteko. Europar Batasunak (EB) tax lease finantzaketa sistema geldiarazi zuen eta lan falta faktore horrekin lotu zuen zuzendaritzak. Espedienteak 30-142 langileri eragin diezaieke.

Enpresa-batzordeak, zuzendaritzak eta Jaurlaritzak bilera egin dute gaur Bizkaiko ontziolaren egoera aztertzeko. Gasteizko Exekutiboak Navaleko akziodun izateko borondatea du, baina aldez aurretik baldintza batzuk bete behar dira.

Jose Pedro Gonzalez enpresa-batzordeko presidenteak azaldu duenez, tax lease deritzonaren arazoa konpontzea lehentasuna dela adostu dute hiru aldeek.

Eusko Jaurlaritza ontziolaren akziodun izatera pasatzea Navali sinesgarritasuna emango diola erantsi du langileen ordezkariak.



Informazio gehiago:Eitb: EBren finantzaketa eredua konpontzea lehentasuna dela uste du Navalek

123 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin