Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EBren asanblada baliogabetu du alderdi horren Bermerako Batzordeak


2011-06-30 14:07

Hala jakinarazi dute Ezker Batuko militante historikoek. Gainera, Mikel Aranak iragarritako asanblada nagusia egiten bada, auzitegietara joko dutela ohartarazi dute.

EB-Berdeakeko militante historikoek, tartean Kontxi Bilbaok eta Jose Navasek, gaur jakinarazi dutenez, alderdiaren Bermerako Batzordeak baliorik gabe utzi du Mikel Aranak azaroren 12rako iragarri zuen asanblada nagusia eta afiliatze-prozesua.

Gainera, EBren kontrolerako organoak erabakitakoa betetzen ez bada eta Mikel Aranak alderdi barruko adostasunaren alde egiten ez badu, auzitegietara joko dutela nabarmendu dute.

Bilbaok eta Navasek azaldu dutenez, joan den ekainaren 3an burutu zen EBren Kontseilu Politikoak ez du baliorik, ezta zilegitasunik, alderdiaren estatutuak errespetatzen ez dituelako eta, eskubide osoko kideei - Bizkaiko Lurralde Auzitegiak esanda- akreditazioak hartzea galarazten zaielako.

Horrez gain, afiliatzeko prozesu berriak estatutuak eta pertsona afiliatuen oinarrizko eskubideak urratzen ditu, asanblada nagusi baterako delegatuak aukeratzeko hauteskundeetan sufragio aktiborako eta pasiborako eskubidea ukatzen zaielako, salatu dute.

EBko kide garen pertsonok ez dugu zertan berriro afiliatu behar, azpimarratu dute. Kontxi Bilbaok eta Jose Navasen iritzian, inork ezin die delegatu izatea ukatu, ezta asanbladan euren ordezkaria nor izan behar den erabakitzea galarazi.

Horiek horrela, Mikel Aranak bi aukera dituela esan dute: edo adostasunaren bidetik jo edo zatiketaren bidea hartu. Bakea EBren baitan bilatzeko deia luzatu diote Aranari, asanblada nagusi bat eginda nahikoa ez delako.


EB-Berdeakeko



Informazio gehiago:Eitb: EBren asanblada baliogabetu du alderdi horren Bermerako Batzordeak

72 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin