Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EBko gainerako herrialdeek Danimarkaren azalpenak onartu dituzte


2011-05-12 16:25

Danimarkaren ordezkarien hitzetan, ez dituzte pasaporteak aztertuko, baizik eta drogen, armen eta pertsonen trafikoa zaintzeko kontrolak zorroztu.

Europar Batasuneko Barne ministroek Danimarkaren azalpenak onartu dituzte gaur, eta ez dute, hortaz, Eskandinaviako herrialdeak Alemaniarekin eta Suediarekin dituen mugetan kontrolgune finkoak jartzeko erabakia gaitzetsi. EBko Barne ministroen arabera, gaizki-ulertu bat izan dena.

Soren Pind Danimarkako Integrazio ministroaren esanetan, kontrolak areagotzea EBko legeekin bat dator, eta Suediak, Herbehereek eta beste hainbat herrik egiten dute. Pinden hitzetan, ez dituzte pasaporteak eskatuko; drogen, armen eta pertsonen trafikoa zaintzeko kontrol handiagoa ezarriko dute.

Danimarkako ministroak hitza eskatu du bilera hasieran, eta Danimarkaren erabakiak Schengengo Ituna errespetatzen duela ziurtatu du. Ez da eztabaidarik izan. Denek onartu dute Danimarkako ministroak esandakoa, esan du Sando Pinter Hungariako Barne ministroak. Hungariari dagokio EBren txandakako presidentetza.

Atzo, Europako Batzordeak argibideak eskatu zizkion Danimarkari; izan ere, pertsonen joan-etorria eragozterik onartuko ez zuela esan zuen, baina gaur zuhurrago jardun da. Oraingoz ez dugu neurria aztertzeko astirik izan, eta, beraz, oso zaila da horri buruz hitz egitea, esan du Cecilia Malmtrom Barne komisarioak. Gaia aztertu behar dugu, eta geroago hitz egingo dugu horri buruz, gaineratu du.

src=http://www.eitb.com/multimedia/images/2011/05/12/474273/474273_Dinamarka_detalle_1.jpg/



Informazio gehiago:Eitb: EBko gainerako herrialdeek Danimarkaren azalpenak onartu dituzte

68 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin