Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EBk erreforma gehiago eskatu dizkio Rajoyren Gobernuari


2012-01-12 08:26

Olli Rehn Europako Batzordeko presidenteorde eta Gai Ekonomikoen arduradunak erkidegoen gehiegizko gastuari egotzi dio defizit helburua bete ez izana.

Olli Rehn Europako Batzordeko presidenteorde eta Gai Ekonomikoen arduradunarentzat oso garrantzitsuak dira Mariano Rajoyren Gobernuak hartu berri dituen neurri ekonomikoak defizita murrizteko, baina lan eta fiskalitate erreforma gehiago eskatu dizkio Europar Batasunarekin hitzartutako helburuak beteko direla bermatzeko.

Espainiari zerga alorrean eta egitura ekonomikoan neurriak hartzeko deia egiten diogu, azpimarratu du Rehnek prentsaurreko batean.

Espainiako Gobernuak neurri gehiago hartzea espero dugu, lan-merkatuan bereziki, % 20ko langabezia-tasa eta gazteen langabezia % 40koa izatea osoa larria baita, adierazi du EBren arduradun ekonomikoak.

Rehnentzat penagarria da Espainiak 2011ko defizit helburua bete ez izana (% 8ra iritsi zen hitz emandako %6aren gainetik) eta datu hori eskualdeetako Gobernuen gehiegizko gastuagatik izan dela esan du.

Hori dela eta, oso garrantzitsua da Espainiako Gobernu berriak neurriak hartzea 2012ko defizita txikitzeko eta egoera egonkorrera itzularazteko, 2013an defizita asko jota % 3koa izan dadin, Europako batzordearen presidenteordearen esanetan.



Informazio gehiago:Eitb: EBk erreforma gehiago eskatu dizkio Rajoyren Gobernuari

53 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin