Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EBk Bilduren eta PSEren babesa eskatu du, gobernu aurrerakoia osatzeko


2011-07-07 10:10

Nerea Galvez (EB) ahaldun nagusigaia izan da lehendabizikoa hitz egiten Arabako Batzar Nagusiko osoko bilkuran. Ezustekorik ez badago, Javier de Andres (PP) izango da diputatu nagusi berria.

Nerea Galvezek baieztatu egin du Ezker Batuaren bi botoak bere hautagaitza babesteko izango direla eta Bilduren eta PSEren botoak ere eskatu ditu Araban Gobernu aurrerakoia eta ezkertiarra osatu ahal izateko.

Arabako Ezker Batuko militanteek euren hautagaia, Nerea Galvez, babestea erabaki zuten atzo egindako erreferendumean. Horrenbestez, Xabier Agirrek (EAJ) ez ditu EBko bi batzarkideen botoak jasoko eta, azkenean, Javier de Andres (PP) aukeratuko dute Arabako diputatu nagusi.

Alderdi Popularrak 16 batzarkide ditu eta PSEko 9 ordezkarien babesa bermatuta dauka. Gauzak horrela, De Andresek 25 boto izango ditu eta gehiengo sinplearekin, bigarren bozketan, Arabako ahaldun nagusi aukeratuko dute.

EAJk, berriz, 13 batzarkide ditu eta Bilduren 11 batzarkideek botoa Xabier Agirreri emango ziotela iragarri zutenez, EAJren hautagaiak 24 bozka izango ditu. Agirrek Ezker Batuko bi ordezkarien botoak behar ditu Arabako ahaldun nagusi izateko, baina EBko militanteek atzo erabaki zutenaren arabera, ez da horrelakorik gertatuko.

Hiru ahaldun nagusigaien artean, Nerea Galvez izan da hitza hartzen lehena eta 35 minutuko iraupena izan duen agerraldian bere proposamen azaldu ditu.

Galvezek esan du Ezker Batuko militantziak argi adierazi duela programa aurrerakoi eta ezkertiar bakarra koalizioarena dela eta elkarrizketaren aldeko apustua egin du, EAJk azken lau urteotan eraman duen politikaren aurrean.

Bilduk eta PSEk hautagaitzarik aurkeztu ez dutenez, EBren alde bozka dezatela eskatu die, Araban Gobernu aurrerakoia eta ezkertiarra osatu ahal izateko.





Nerea



Informazio gehiago:Eitb: EBk Bilduren eta PSEren babesa eskatu du, gobernu aurrerakoia osatzeko

46 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin