Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EAk ez du lehendakariaren plana onartuko, ezker abertzalea ez badago


2012-02-24 16:07

Peio Urizarrek nabarmendu du bakea ezartzeko bidean indar politiko guztien arteko akordio estrategikoa ezinbestekoa dela.

Peio Urizarrek aurreratu duenez, Eusko Alkartasunak ez du lehendakariak ETAren aroari amaiera emateko aurkeztuko duen akordio berria onartuko, Legebiltzarreko alderdiei soilik zuzenduta badago eta, ondorioz, ezker abertzalea hitzarmen horretatik kanpo geratzen bada.

Patxi Lopezek gaur iragarri duenez, Diputatuen Kongresuan ETAren amaieraren inguruan lortutako akordioari jarraipena eman nahi dio EAEn eta horretarako proposamen zehatzak egingo ditu Eusko Legebiltzarrean datozen asteetan.

Urizarrek esan du EAk lehendakariaren proposamena ezagutu arte itxarongo duela, baina azpimarratu egin du bere alderdiaren helburu nagusia alderdien mahaia osatzea dela.

Lehendakariaren proposamena Legebiltzarrean dauden alderdietara mugatzen bada, agerian geratuko da proposamen horrek ez duela euskal gizarte guztia ordezkatuko eta, ondorioz, kontra egingo dugu, azaldu du.

Horrez gain, Madrilen lortutako akordioa Euskal Herrian hankamotz geratzen dela adierazi du. Gizartearen gehiengoak uste du aurrera egiteko negoziatu egin behar dela, baina horretarako alderdi guztiak esertzea ezinbestekoa da eta publikoki Alderdi Popularra eta UPyD baino ez dira aurka agertu, erantsi du.

Ildo horretan, bakea behin betiko ezartzeko indar politiko guztien artean plan estrategiko bat ezartzea ezinbestekotzat jo du eta gogoratu du azken bi urteotan Eusko Alkartasuna hitzarmen ezberdinak adostu dituela ezker abertzalearekin, Aralarrekin edo Alternatibarekin. Akordio horiek zabaltzeko eta indartzeko lanean ari direla ere esan du eta hitzarmen horiek hauteskundeetatik harago doazela zehaztu du.


Kritikak EAJri

Bestalde, EAJ gogor kritikatu du Diputatuen Kongresuan PP, PSOE eta CIU alderdiekin, Amaiur albo batean utzita. EAJk mozorroa kendu du eta Estatu espainiarraren interesen ikuspuntuko hitzarmena sinatu du, salatu du.

Urizarren esanetan, Espainiako Gobernuak eginkizun bakarra izan behar du une honetan: ETArekin elkarrizketa hastea gai teknikoei heltzeko.



Informazio gehiago:Eitb: EAk ez du lehendakariaren plana onartuko, ezker abertzalea ez badago

54 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin