Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EAk eta Alternatibak gaur erregistratuko dute Bildu, Iruñean


2011-04-05 10:16

EAk, Alternatibak eta hainbat independiente, soberanista eta ezkertiarrek herenegun aurkeztu zuten Bildu; hautagaitzak larunbatean ezagutaraziko dituzte Kursaalean egingo den ekitaldi batean.

Maiatzaren 22ko hauteskundeetara aurkezteko, Bilduk apirilaren 8ra arte zuen epea koalizio moduan osatzen zela jakitera emateko, hauteskunde organoetatik azaldu dutenez. Gauzak horrela, EAk, Alternatibak eta pertsona independiente, soberanista eta ezkertiarrek gaur eguerdian erregistratuko dute Bildu koalizioa Iruñean.

Hauteskundeetara aurkeztu nahi duten koalizioek pasa den martxoaren 30etik apirilaren 8ra dute erregistratzeko epea; hautagaitzak, berriz, sei eguneko epean aurkeztu beharko dira, apirilaren 13tik 18ra, gainerako alderdi politikoen moduan.

Hautagaitzak apirilaren 20an argitaratuko dira eta 22an irregulartasunak edo akatsak jakitera emango zaizkie; horiek bi egunetan zuzendu beharko dira, apirilaren 23an eta 24an. Zerrendak apirilaren 25ean jakinaraziko dira eta hurrengo egunean dagozkien buletinetan argitaratuko dira.

Errekurtsoak apirilaren 27 eta 28an egin ahal izango dira eta datozen egunetan horien ebazpena jakinaraziko da; Auzitegi Gorenera joz gero, maiatzaren 5era itxaron beharko litzateke irizpena jakiteko.

Joan den larunbatean, Eusko Alkatartasunaren Asanblea Nazionalak guztien adostasunarekin onartu zuen Zuzendaritza Batzordeak proposatutako moduan subjektu elektoral berri bat sortzea Altenatiba, Araba Bai eta independienteekin batera, datozen Udal eta Foru Hauteskundeetarako.

Alternatibak bere aldetik, larunbatean bertan bere Asamblea Nazionala bildu zuen eta maiatzaren 22ko hauteskundeetara Eusko Alkartasunarekin eta ezkerreko soberanista independienteekin koalizioan aurkeztea erabaki zuen, Euskal Herria Ezkerretik akordioarekin beren konpromisoa berretsiz.

Ez da B plana izateko aurkeztu

EAk eta Alternatibak koalizioan aurkezteko erabakiak hartu eta egun batera, igandean, Bildu koalizio berriaren lerro orokorrak aurkeztu zituzten. Larunbat honetan hautagaitzak aurkeztuko dituzte Donostiako Kursaal Jauregian egingo den ekitaldi batean.

Bilduren sustatzaileek azpimarratu dute koalizio horrek subiranotasun aurrerakoirako balizko instrumentua izan nahi duela; ziurtatu dute ez dela Auzitegi Gorenak Sortu alderdi politiko moduan inskribatzea eragotzi ondoren sortu den B plana edo plan iluna.

Azpimarratu dutenez, subiranotasunak instituzioetan gizartean duen pisu bera izan dezan sortu den eskaintza da Bildu, hauteskundeetatik haratago doana.



Informazio gehiago:Eitb: EAk eta Alternatibak gaur erregistratuko dute Bildu, Iruñean

215 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin