Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EAk Alternatiba eta independenteekin koalizioa osatzea onartu du


2011-04-02 16:59

Pello Urizar EAko idazkari nagusiak adierazi duenez, koalizioan Sorturen parte hartzea posiblea izan daiteke, Konstituzio Auzitegiak ezker abertzalearen alderdiaren erregistroa onartzen baldin badu.

Eusko Alkartasunak Alternatiba eta independenteekin maiatzeko hauteskundeetarako koalizio bat osatzeko proposamena onartu du gaur, larunbata, Bilbon, honen aurkako botorik jaso gabe.

Urizarrek baieztatu duenez, zerrenda legearen araberakoa izango da. Gainera, hautagaiek bide baketsu eta politikoen alde eta edozein indarkeria seinalearen aurka dekalogo etiko bat sinatu behar dutela gogoratu du.

EAko buruzagiaren aburuz, Alternatiba eta Araba Bai alderdiekin hitz egiten ari dira, talde honetan nortzuk hartuko duten parte zehazteko. Alabaina, zerrendan independenteak egongo direla gaineratu du.

EAko idazkari nagusiaren hitzetan, koalizioan Sorturen parte hartzea posible liteke Konstituzio Auzitegiak ezker abertzalearen alderdiaren erregistroa onartzen badu.

Sorturen erregistroaren aurka Auzitegi Gorenak emandako ebazpenaren kontra dagoela adierazi du Urizarrek, izan ere, 16 magistratuetatik zazpik ilegalizazioaren kontrako botoa eman zuten, ia % 50. Bere ustez, erabaki politiko bat baino ez da.

EAko



Informazio gehiago:Eitb: EAk Alternatiba eta independenteekin koalizioa osatzea onartu du

105 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin