Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EAJk zalantzan jarri du EBk PPri Araban emandako babesa doan izan dela


2011-07-12 10:35

Mikel Arana Ezker Batuaren koordinatzaileak uste du Madrazok alderdia uzteko erabakiak ziklo bat itxi duela alderdian eta ardura batzuk bere gain hartu dituela erabakiarekin.

Mikel Arana Ezker Batuaren koordinatzaileak uste du Javier Madrazok EB uzteko erabakiak ziklo bat itxi duela alderdian, baina erabakiarekin agerian geratu omen da EAJrekin Araban egindako negoziaketen ardura bere gain hartzen duela.

Aranak ETBko Plato 2.0 saioan egindako elkarrizketa batean azaldu duenez, ezinbestekoa da ikerketa zehatza egitea lanpostuak exijitu zituen negoziazio mahai horretan nork parte hartu zuen jakiteko.

Iñaki Gerenabarrena EAJren Araba Buru Batzarreko presidenteak, bestalde, negoziazioen nondik norakoak azaldu zituen atzoko telebista saioan. A eta B negoziazio mahaiak omen zeuden: lehenengoan Kontxi Bilbao eta David Lozano Ezker Batuko kideek hauteskunde programaren ingurukoak eztabaidatu omen zituzten, eta bigarrenean, lanpostuak eta dirua eskatu omen zituzten Javier Madrazok eta Serafin Llamasek.

Gerenabarrenaren esanetan, Xabier Aguirre ahaldun nagusi ohiak errefusatu egin zituen eskariak eta plazaratu egin zituen duintasun pertsonalagatik eta alderdikeriagatik. Negoziazioetan gertatutakoa ikusita, Iñaki Gerenabarrenak zalantzan jarri du Ezker Batuak Alderdi Popularrari emandako babesa doan izan dela, trukean ezer jaso gabe.

Hala ere, Javier de Andres ahaldun nagusiak ukatu egin du akordioak egon direla, izan ere, PPk ez omen zuen negoziaziorako aukerarik izan EAJren eta EBren arteko negoziazioak bide onetik zihoazela pentsatuta.

Arana



Informazio gehiago:Eitb: EAJk zalantzan jarri du EBk PPri Araban emandako babesa doan izan dela

192 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin