Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EAJk ez du Espainiaren parte-hartzearen aurka bozkatuko


2011-03-21 13:49

Alderdi jeltzalea abstenitzea edo alde bozkatzea aztertzen ari da. Arratsaldean erabakiko du botoa. Bestalde, PSOEk uste du ia aho batez irabaziko dutela bozketa Kongresuan.

EAJk arratsaldean erabakiko du zer bozkatuko duen NBEk Libian abiatutako operazioari buruzko bozketan. Bozketa bihar egingo dute, Diputatuen Kongresuan, eta hain zuzen ere, Espainiaren parte-hartzeari baimena eman edo ez eman erabakiko dute.

Hori horrela, Josu Erkoreka EAJko diputatuak aurreratu du ez dutela aurka egingo, eta alde bozkatzea edo abstenitzea aztertzen ari direla, zalantza ugari baitituzte.

Bere esanetan, NBEren operazioaren helburuak ez dira oso argiak, eta, gainera, operazioa gauzatzeko modua ere kritikagarria izan da.

Nolanahi ere, bozeramaile jeltzaleak baztertu egin du aurka bozkatzea, operazio militarrak Gobernua jazartzen ari den libiarrak babestea baitu helburu, eta EAJk ez du galaraziko defentsa hori.


Bozketa aho batez irabaztea espero du PSOEk

Bere aldetik, Jose Antonio Alonso PSOEko bozeramaileak adierazi du bozketa aho batez irabaztea espero dutela.

Alonsok berretsi du Espainiako Gobernuak NBEren nazioarteko operazioetan baino ez duela parte hartzen, legezkotasuna eta zilegitasuna baitute.

Horrenbestez, talde guztiekin hitz egin eta gero, Kongresuak ia aho batez emango duela baiezkoa uste duela esan du.



Informazio gehiago:Eitb: EAJk ez du Espainiaren parte-hartzearen aurka bozkatuko

53 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin