Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EAJk Batzar Orokorra egingo du urtarrilaren 13tik 15era bitartean


2012-01-04 14:25

Erabakitzeko eskubidea instituzionalizatzea eta txosten politikoa eguneratzea proposatuko du alderdiak, eta Iñigo Urkullu EBBko presidente izendatuko du berriro, segur aski.

EAJk eskubide historikoen eguneratzea eta erabakitzeko eskubidea instituzionalizatzea proposatuko du VI. Batzar Orokorrean, urtarrilaren 13tik 15era. Egun horietan alderdiaren presidentea ere hautatuko dute, eta litekeena Iñigo Urkullu ateratzea da, hautagai bakarra da eta.

Belen Greaves EBBko idazkariak aurkeztu du jeltzaleek lau urtero egiten duten Batzar Orokorra, eta Barakaldoko (Bizkaia) Bilbao Exhibition Centren (BEC) izango da.

Azaldu duenez, ekitaldi horretako helburuetako bat EAJren proposamen politikoa eguneratzea izango da. Agiri bat prestatu dute horretarako, eta Euskadi nazio moduan aurrera egiteko beharrezko zazpi urratsak zeintzuk diren esaten dute bertan. Eskubide historikoak eguneratzea; erabakitzeko eskubidea instituzionalizatzea; herritarrekin konpromisoa duen gobernu bat berreskuratzea; eta lanaren eta ekonomiaren garapenerako akordio bat lortzea dira urratsok.

Alderdi Popularrarekin lan egiteko prest, zuhurtziaz bada

Bestalde, Greavesek baieztatu duenez, PPrekin batera zuhurtziaz elkarlanean aritzeko prest dago Eusko Alderdi Jeltzalea, garai berriaren eraikuntza eta bakea bilatzeko helburuarekin. Gainera, Mariano Rajoy Gobernuko presidenteak konpromiso hori hartu zuela inbestidura eztabaidan gogorarazi du.



Informazio gehiago:Eitb: EAJk Batzar Orokorra egingo du urtarrilaren 13tik 15era bitartean

89 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin