Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EAEko hoteletan bidaiarien kopurua %8 igo da martxoan


2011-04-20 11:56

Bestalde, nekazalturismoetan behera egin du bisitari kopuruak; 8.555 bidaiari erregistratu ziren martxoan, duela urtebete baino %13 gutxiagoEuskal Autonomia Erkidegoko hoteletan 175.399 bidaiari erregistratu ziren martxoan, lehengo urtean baino %8 gehiago, Eustaten datuen arabera. Araban %5 egin dute gora, %16 Bizkaian eta Gipuzkoan berdin mantendu dira.

Espainiako gainerako erkidegoetatik etorritako bidaiari kopurua %7 igo da eta atzerritik datozenak, berriz, %12.

Estatutik etorritako bidaiariek Araban (%10) eta Bizkaian (%13) areagotu dute gehien beren presentzia. Gipuzkoan, berriz, %7 jaitsi da. Atzerritarren kopurua hoteletan %13 igo dira Bizkaian eta Gipuzkoan %22, baina Araban %18 jaitsi da.

Beste erkidegoetako bidaiariei dagokienez, gorakada nabari da Kataluniatik, Gaztela-Mantxatik, Kantabriatik eta Aragoitik datozen bidaiarien artean. Beherakada, aldiz, Madril, Gaztela eta Leon, Errioxa eta Extremaduratik datozenei dagokienez.

Atzerritarren artean batez ere Frantzia, Italia, Portugal eta Iberoamerikatik datozenak ugaritu dira eta behera egin dute Alemaniatik, Erresuma Batutik eta Danimarkatik bisitatzen gaituztenek.

Martxoan Euskal Autonomia Erkidegoko hoteletan 314.789 gau igaro ziren, iazko urtearekin alderatuta %9 gehiago. Araban %10 egin du gora, %17 Bizkaian eta Gipuzkoan, ostera, %1 jaitsi da.

Nekazalturismoak
Bestalde, EAEko nekazalturimoetan 8.555 bidaiari erregistratu ziren martxoan, iazko hilabete berarekin alderatuta %13 gutxiago. Bizkaian egin du behera gehien, %15, %10 Araban eta %13 Gipuzkoan.

Orotara 18.227 gau pasa ziren establezimendu horietan, iaz baino %16 gutxiago. Lurraldeka aztertuz gero, Araban %22ko jaitsiera izan zen, %10ekoa Bizkaian eta %17koa Gipuzkoan.

Bidaiari bakoitzak batezbeste 2,13 egun igaro ditu Euskadiko nekazalturismoetan; iaz 2,21 egun izan ziren, %4 gehiago beraz.

Araban jaitsiera %13koa izan da eta batezbeste 2,06 egun igarotzen dira. Gipuzkoan %5 jaitsi da 2,06 egun beraz, eta Bizkaian %6ko igoera izan da 2,33 egunekin.



Informazio gehiago:Eitb: EAEko hoteletan bidaiarien kopurua %8 igo da martxoan

59 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin