Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EAEko garraio publikoen ibilbideak planifikatzeko web orria sortu dute


2012-01-25 17:11

Web orria Eusko Jaurlaritzak garatu du, hiru Aldundien babesa jasoz. Atariak 34 operadoreren informazioa biltzen du, 3 probintzietan dauden 4000 geltoki eta 450 garraio linea baino gehiago erakutsiz.

Moveuskadi.com atari berriak EAEko garraio publikoen erabiltzaileen lana erraztuko du, Erkidegoan lan egiten duten operadore guztien ibilbidearen iraupena, ordutegiak, eta bidaien kostuak erakutsiko baititu.

Web orria Eusko Jaurlaritzak garatu du, hiru Aldundien eta I2MApp enpresaren babesa jasoz. Atariak 34 operadoreren informazioa biltzen du, hiru probintzietan dauden 4000 geltoki eta 450 garraio linea baino gehiago erakutsiz. Zerbitzu horrek hiriko zein hiriarteko autobusen, aldiriko zein distantzia luzeko trenen, tranbien, barkuen, funikularren, igogailu publikoen zein Bizkaiko zubi esekiaren inguruko informazioa erakutsiko du.

Aurkezpen ekitaldian Iñaki Arriola Garraioetako sailburuak, Alicia Ruiz de Infante Arabako Foru Aldundiko Herrilan eta Garraio Saileko foru diputatuak, Larraitz Ugarte Azpiegitura eta Mugikortasun Saileko foru diputatuak, Ray Fernández I2MApp enpresako garapen teknikoaren arduradunak eta Christine Ross Googleko ordezkariak (Srategic Partner Manager) hartu dute parte.

Mugikorrentzako formatua

Arriola sailburuaren iritziz, Estatuan aintzindari den proiektu horrek erkidegoko biztanleen bizitza erraztea du helburu, klik batekin nahi duten ibilbidearen informazioa lortu ahal izango dutelako.

Web-a automatikoki eguneratzen da, garraio publikoen atzerapenen informazioa eskainiz. Horrez gain, mugikorretatik ere erabili ahal izango da, ahots sistema baten bidez


Moveuskadi.com:



Informazio gehiago:Eitb: EAEko garraio publikoen ibilbideak planifikatzeko web orria sortu dute

132 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin