Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EAEko errepideetan 450.000 desplazamendu espero dira Aste Santuan


2011-04-15 12:17

Aste Santuko oporrak direla eta, herrizaingo sailak operatibo berezia jarriko du martxan datorren asteazken arratsaldetik aurrera.Eusko Jaurlaritzako Herrizaingo Sailak 450.000 desplazamendu aurreikusten ditu euskal errepideetan Aste Santuko oporretarako.

Trafiko Zuzendaritzak, beraz, datorren asteazkenean (apirilak 20) arratsaldeko lauretatik aurrera dispositibo berezi bat jarriko du martxan Asta Santuan errepideetan dabiltzanen segurtasuna eta arintasuna hobetzeko asmoz.

Ertzaintzaren trafikoko berrehun agente ariko dira gertutik zaintzen errepideak eta Euskadiko Trafikoa Kudeatzeko Zentroak indartu egingo ditu bai operadoreak eta baita gidariei zuzendutako informazio telefonoa ere.

Gainera, trafiko gehien espero den egunetan ibilgailu pisutsuak eta material arriskutsuak daramatzaten ibilgailuen trafikoa murriztu egingo dute.

Aste Santuko trafiko irteera operazio berezia datorren asteazken eta ostegun artean izango da, eta itzulera operazioa, berriz, apirilaren 25ean arratsaldeko hiruretatik gauerdira arte.

Gipuzkoako kasuan operazioa apirilaren 26ra arte luzatuko da Mugako kamioiak egun horretan hasiko direlako berriro errepidean ibiltzen eta beraz, pisu handiko ibilgailu asko espero dira.

Opor hauetan egingo diren desplazamendu gehienak Euskal Autonomia Erkidegoko herritarrenak izango dira, inguruko erkidegoetara bidean.

Trafikotik esan dutenez, irteera operazioko ordurik kritikoenak apirilaren 20 (asteazkena) arratsaldean 13:00etatik 21:00etara izango dira eta apirilaren 21ean (osteguna) 09:00etatik 15:00etara.

Itzulera operazioari dagokionez, berriz, auto gehien apirilaren 25ean 15:00etatik 23:00etara espero da.

Trafikoa kudeatzeko ohiko neurriez gain, apirilaren 20an 14:00etatik 22:00etara eta apirilaren 21ean 09:00etatik 15:00etara A-8 autobideko errail itzulgarria irekiko dute Kantabriarako bidean Ugaldebieta eta Liendo artean.



Informazio gehiago:Eitb: EAEko errepideetan 450.000 desplazamendu espero dira Aste Santuan

209 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin