Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Durangoko Azokako Irudiena espazio berriak ateak irekiko ditu gaur


2011-12-06 08:14

Lain eta Hesian taldekoen zuzenekoak izango dira Ahotsenean, eta antzerki maratoia antolatu dute Szenatokian.

Durangoko 46. Liburu eta Disko Azoka bere ibilaldiaren erdira iritsi da. Hirugarren egun honetan, aurtengo berrikuntzetan azkena inauguratuko dute: Irudiena espazio berria.

Euskarazko ikus-entzunezkoen proiektuak aurkezteko gune berria da Irudiena, eta erakustazoka ondoan egokitu dute aretoa, autobus batean. Inauguratu ondoren, 12:00etan, Zinema Euskaraz programako pelikulekin gozatzeko aukera izango da bertan. eitb.com-en ere ikusgai dagoen programa horren helburua herritarrei zinema euskaraz hurbiltzea da, eta zortzi orduko emanaldia egingo da Azokan, etenik gabe, autobus horretan.

Txikienek ere euskarazko zinemaz gozatzeko aukera izango dute astearte honetan Durangoko Azokan. Haur literatura aretoan, 11:00etatik aurrera, Tintiman en Durango umeentzako film laburraren emanaldia egingo dute, karabana magiko batean.

Ordubete geroago, hainbat CD eta DVD berri aurkeztuko dituzte bertan, tartean Pirritx, Porrotx eta MariMotots pailazoen lan berriarena.

Amaitzeko, arratsalde partean, ipuin kontaketa berezia egingo dute bertan hainbat idazle galegok eta euskaldunek.

Musikarekin hitzordua ez da faltako astearte honetan Azokan. Ahotsenean, Lain (11:00), Basaki (13:30) eta Hesian (19:30) taldekoen zuzenekoak izango dira. Literatura munduak ere txoko berezia izango du bertan: 12:30ean, Unai Elorriagaren eta Irati Jimenezen artikuluen bilduma aurkeztuko dute; eta, 16:00etan, Goizalde Landabasok Branskit liburua aurkeztuko du.

Eguna bukatzeko, antzerki maratoia izango da Szenatokian. 19:00etatik aurrera, Higa, Morritson eta Gartzia, Metrokoadroka eta Karrika arituko dira bertan.

Durangoko



Informazio gehiago:Eitb: Durangoko Azokako Irudiena espazio berriak ateak irekiko ditu gaur

112 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin