Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Donostiako Udalak gezurtatu egin du turismoaren irudi negargarria


2012-01-25 15:10

Igarotako gau kopuruaren eta egonaldiaren datuak hazi egin direla azpimarratu du. PPk Jaurlaritza kritikatu du, izan ere, urte asko daramatza hiriko turismoaren alde ezer egin gabe.

Josu Ruiz Donostiako Garapen Ekonomikoko zinegotziak arduragabekeriatzat jo du hiriko turismo datuekin jolastea, eta Jaurlaritzak eta PSE-EEk azken hilabeteetan eman nahi izan dioten irudi negargarria ez dela erreala adierazi du.

Udaletxean emandako prentsaurreko batean Ruizek azaldu duenez, Eustatek agerian utzi du bisitarien kopurua % 0,9 murriztu dela azken urtean, baina Estatu mailako bisitarien kopuruaren beherakadagatik (6,9%) eta krisiagatik izan da.

Dena dela, bisitari atzerritarren kopuruari dagokionez errekorra egin dela azpimarratu du, 2010aren aldean % 8,2 hazi baitzen atzerritarren bisita kopurua.

Era berean, Maria Cristina eta Londres hotelen itxieren eraginaz ere ohartarazi du, izan ere, irailetik aurrera itxi zituzten biak eta orduan eman omen ziren % 8 eta % 7ko beherakadak.

Testuinguru horretan, Ruizek arduragabekeriatzat jo du Donostiako turismoaren beherakadarekin alarma sortzea eta Jaurlaritzak Bilduren errua izan dela iradokitzea. Are gehiago, Eustaten datuetan oinarrituta, Udalak salatu du Donostian gaua igaro dutenen kopurua % 1 hazi dela 2010aren aldean eta batez besteko egonaldiak % 1,6 egin duela gora.

Gainera, Bildu existitu ere egiten ez zenean, martxoan, bisitari kopurua INEren arabera % 4,73 murriztu zela eta Eustaten arabera % 7 egin zuela behera gogorarazi du.

Era berean, azken iturri horren arabera, hoteletako okupazioak ere gora egin du, logelena % 2,3 eta plazei dagokiona % 1,8.

Ruiz pozik agertu da datu horiekin eta turismoa ongi doala esan du. Hala eta guztiz ere, 2012 urte zaila izango dela eta bisitariak erakartzeko produktu berriak eskaini beharko direla aitortu du.

Datorren hilabetean Jaurlaritza eta Donostiako Udala bildu egingo dira turismoaren joera aztertzeko.

PP

Ramon Gomez Donostiako PPren zinegotziak, bere aldetik, Jaurlaritza kritikatu du turismoaren datuekin alarma zabaltzeagatik, izan ere, urte asko daramatza hiriko turismoaren alde ezer egin gabe.

Juan



Informazio gehiago:Eitb: Donostiako Udalak gezurtatu egin du turismoaren irudi negargarria

86 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin