Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Donostia zerura begira, haurren Danborradaren zain


2012-01-22 09:39

Euria dela eta haurren danborrada atzeratu egin zuten eta gaur beste aukera bat izango dute ia 5000 parte hartzailek. Eguraldiak petral jarraitzen badu, datorren igandean azken aukera izango dute.

Ostiralean, urtarrilak 20, ezin izan zuten San Sebastian eguneko haurren danborrada egin, eguraldi txarraren ondorioz, eta gaur eguerdirako egin dute hitzordua.

San Sebastian eguneko ekitaldi entzutetsu eta jendetsuenetako bat izan ohi da eta 1981z geroztik bertan behera geratu den lehen aldia da gaurkoa.

Nerea Txapartegi Donostiako Udaletxeko Kultura zinegotziak adierazi zuenez, asko kostatu zitzaien erabaki hori hartzea milaka haur donostiarrek ezin izan zutelako desfilean atera, baina aurreikuspenak ikusita, erabaki hori hartu behar izan zutela adierazi zuen.

Araudiari jarraituz, igandean eguerdiko 12:00etan izango da Alderdi Ederren haur danborrada. Guztira, 52 konpainiatako 4.906 neska-mutilek parte hartuko dute (%53,5 mutilak dira, eta % 46,5 neskak).

Aurten Haur Danborradako Ohorezko Karguak (Easo Ederra eta Damak, Jenerala, Laguntzailea eta zaldizainak) Deutsche Schule Ikastetxeko haurrek beteko dituzte. Danbor Nagusiaren kargua Errekalde Gastronomi Elkarteari egokitu zaio.

Danborrada Alderdi Ederren hasiko da eguerdiko 12.00etan. Ondoren, Hernani kaletik joango da, Askatasun Hiribidetik, Urbietatik, Prim kaletik, Bergara, Idiakez eta azkenik, Gipuzkoako Enparantzara iritsiko da.

Eguraldiak laguntzen ez badu, azken aukera bat izango dute haurrek datorren igandean, hilak 29an.



Informazio gehiago:Eitb: Donostia zerura begira, haurren Danborradaren zain

201 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin