Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Dolce eta Gabanna itzurpen fiskalagatik akusatuta


2011-11-28 16:17

Enpresako abokatuek ordainketa bat negoziatuko dutela uste da beste epaiketa luze batetik pasatzea ekiditeko, izan ere, horrek euren irudia asko kaltetuko luke.

Milango fiskaltzak Domenico Dolce eta Stefano Gabanna diseinatzaileen aurkako prozesua ireki du berriz ere.

Joan den apirilean, Milango epaitegi batek kasua atzera bota zuen froga nahikoak ez zeudela egotzita. Baina orain, Italiako Auzitegi Gorenak erabaki hori ezeztatu du eta diseinatzaileak itzurpen fiskalagatik akusatuta daude berriro.

2004an hasi zen dena, ustez, Dolce&Gabbana markak 416 milioi euro ordaintzea ekidin zuenean. Baina frogak falta zirela eta, kasua itxita zegoela eta diseinatzaileak milioi bat euroko isunaz eta kartzela zigorraz libratu zirela zirudien.

Baina polemika berriz piztu da. Stefano Gabbanak Twitter sare sozialean azaldu du bere haserrea: Lapurrak! Ez dakite zer egin dirua kentzeko. Hau idatzita, komentarioa ezabatu eta segituan beste bat idatzi du: Italian nahi dutena egiten dute?nahi dutena?Hoberena agian joatea da.

Segituan iritsi zaizkio jarraitzaleen mezuak eta diseinatzaileak polemikarekin jarraitu du: 5.000 langileengatik sentitzen dut eta Zergatik ordaindu behar dut egin ez dudan gauza batengatik?, idatzi du ondoren.

Urtarrilera arte itxaron beharko da kontuak nola amaitzen duen jakiteko. Normalean 20 egun behar dira, baina Gabonak tarteko, epea atzeratu egin da. Yo Dona aldizkariak esan duenaren arabera, enpresako abokatuak zerbait ordaintzea negoziatu dezakete epaiketa sahiesteko, horrelako prozesu batek euren irudia asko kaltetuko lukeelako.

Argazkia:



Informazio gehiago:Eitb: Dolce eta Gabanna itzurpen fiskalagatik akusatuta

56 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin