Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Dohainezko prentsak publizitate bidezko sarrerak handitu nahi ditu


2012-01-16 17:09

Adcloud enpresa alemaniarrak hainbat formatutan komertzializatuko ditu bazkide diren enpresen publizitate guneak.

Espainiako Dohainezko Prentsaren Elkarteak (AEPG) eta Adcloud Espainia enpresak hitzarmen berri bat sinatu dute, elkarte horretako bazkideek publizitate bidezko diru sarrerak handitzeko asmoz. Helburu hori lortzeko, teknologia eta Interneten lan egiten duen Adclouden sare komertzialaz baliatuko dira, hedabide horien publizitate guneak hainbat formatutan eskainiz.

Alemaniar konpainiak Madrilen kaleratutako komunikatu batean, AEPG elkartea osatzen duten enpresek beraien publizitatearen salerosketan hazkundea izatea helburu dutela azaldu du, erosle zein saltzaileei aukera gehiago eskainiz.

Gainera,  Víctor Núñez  AEPGko idazkari nagusiak azaldu duenez, eremu digitala hobetzeko asmoz, akordio horrek 2012 urterako pentsatutako ekimenei hasiera emango die.

Deutsche Posten filiala

Nuñezen iritziz, Adcloudekin lortutako akordioak orain arte AEPGk Interneteko zein paperezko edizioetan martxan zituen salmentei laguntza osagarria eskainiko die.

AEPG eta Adclouderen arteko hitzarmenak ere bigarrenaren plataforma digitala erabiltzeko aukera ematen die hedabideei, aldi berean antolatutako publizitate kanpainak kudeatzeko aukera emanez.

Deutsche Posteko Adcloud filiala publizitatearen hartu-emanerako teknologia eta zerbitzu optimizatuak eskaintzen dituen hornitzailea da. Alemanian, Austrian, Suitzan, Frantzian eta Espainian egiten du lan gaur egun.



Informazio gehiago:Eitb: Dohainezko prentsak publizitate bidezko sarrerak handitu nahi ditu

30 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin