Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Diseinuaren Munduko Hiriburutza antolatzen duen batzordea, Bilbon


2011-07-20 10:12

Bilboko hautagaitza ezagutzera etorri dira eta gaur arratsaldean prentsaurrekoa eskainiko dute bere iritzia jakinarazteko.

2014an Diseinuaren Munduko Hiriburu izateko hautatuen artean dago Bilbo, Lurmutur Hiria (Hegoafrika) eta Dublin (Irlanda) hiriekin batera. 24 herrialdetako 56 hirik aurkeztu dute hautagaitza, eta, horien artean, hiru finalista aukeratu dituzte, tartean Bizkaiko hiriburua.

Diseinuaren Munduko Hiriburutza antolatzen duen batzordeko bi kide, Martin Darbyshare, Tangerine aholkularitzako zuzendari nagusia, eta Dilki de Silva, Industria Diseinuaren Sozietateen Nazioarteko Batzordearen (ICSID) idazkari nagusia, Bilbon dira bertako hautagaitza zuzenean ezagutzeko.

Gaur arratsaldeko 16:30etan eskainiko duten prentsaurrekoan bere egonaldiaren xehetasunak emango dituzte. AlhóndigaBilbaoko Bastida Aretoan egingo den ekitaldian Marcos Muro, Bilbok 2014ko Diseinuaren Munduko Hiriburu (WDC) bihurtzeko aurkeztu duen Hautagaitzaren Koordinatzailea, Bizkaiko Foru Aldundiko, Eusko Jaurlaritzako eta Industria Ministerioko ordezkariek ere parte hartuko dute.

Datorren urriaren amaieran emango dute jakitera zein izango den 2014an Diseinuaren Munduko Hiriburua, Taiwanen egingo den Diseinuaren Nazioarteko Erakusketaren ekitaldian.

Joan den apirilean hautagaitza aurkeztu zuen Bizkaiko hiriburuak, eta lehen fase honetan aurrera egin du. Nazioarteko sari horrekin diseinua hiria suspertzeko eta biztanleen bizi-kalitatea hobetzeko erabiltzea hartzen da aintzat.

Diseinuaren Munduko Hiriburuaren saria, bi urtean behin banatzen du Montrealen (Kanada) egoitza duen Industria Diseinuaren Sozietatearen Nazioarteko Kontseiluak; orain arte Turin (lehen edizioan, 2008an), Seul (2010ean) eta Helsinki (2012an) hiriburuek jaso dute sari hori.

Ekimenak, besteak beste, Bilboko Udalaren, Bizkaiko Foru Aldundiaren eta Eusko Jaurlaritzaren babesa du, Udalak ohar baten bitartez jakinarazi duenez. Bilboren hautagaitza diseinuaren munduko erakunde eta pertsona ospetsu askok bermatu dute, hala nola, Miguel Sebastian eta Trinidad Jimenez Industria eta Kanpo Harremanetarako ministroek, Philippe Starck diseinatzaileak eta Norman Foster eta Toshiko Mori arkitektoek.

Bilboko



Informazio gehiago:Eitb: Diseinuaren Munduko Hiriburutza antolatzen duen batzordea, Bilbon

102 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin