Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Denboralea baretu egin da, baina hotza ez da joango


2012-01-30 08:22

Elur pilaketa dela eta, Altube, Opakua, Urruña, Herrera, Bidania eta Urtoko mendateetan kamioien zirkulazioa debekatu dute. Astelehenean eguraldiak hobera egingo du.

Negu gorriko giroa izan ondoren, astelehenean eguraldiak hobera egingo du, Euskalmet Euskal Meteorologia Agentziaren arabera. Egun horretan ez da euririk espero. Goizean goiz zerua nahiko garbi egongo da eta haizea bare samar, lainoguneak sortzeko egoera aproposa. Arratsaldetik aurrera iparraldetik hodeiak etorriko zaizkigu baina momentuz ateri jarraituko du.

Tenperatura minimoek behera egingo dute eta barnealdean izotza nonahi egingo du; maximoak, aldiz, epelagoak izango dira. Egun honetarako Eusko Jaurlaritzako Larrialdietarako eta Meteorologia Agentziak abisu horia ezarri du barnealdean bereziki izozteak izan daitezkeelako.

Asteartean lurralde osoan egongo da hodeitsu zerua, baina ipar-ekialdean baino ez du euririk egingo. Goizean hasiko da euria egiten, elur-kota 1000 metro inguruan dagoela. Arratsaldean zehar atertu egingo du. Tenperatura minimoek gora egingo dute eta izotza egiteko aukera txikiagoa izango da; maximoek ere epeltzera egingo dute.

Errepideetan, arazoak konponduta

EAEko bigarren mailako errepideetako mendateak zabalik daude ibilgailu guztientzat, igande goizean Arabako bi mendate eta Gipuzkoako bi itxita egon ondoren.

Hala ere, Trafiko Zuzendaritzak Errepideetako Neguko Plana indarrean mantentzen du.


Tenperatura



Informazio gehiago:Eitb: Denboralea baretu egin da, baina hotza ez da joango

151 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin