Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Deloreanek eta Bide Ertzeanek Musikaren Sari bana jasoko dute


2011-04-28 11:00

Zarauzko taldeak musika elektronikoko abesti onenaren saria eskuratuko du. Tolosarrek, aldiz, euskarazko disko onenari dagokiona jasoko dute maiatzaren 18an banatuko diren sarietan.

Delorean eta Bide Ertzean taldeek Musikaren Sari bana jasoko dute Musikaren Akademiak urtero banatzen dituen sarietan. Zarauzko taldeak Musika Elektronikoko Abesti Onenaren saria jasoko du. Ubeda anaien Tolosako taldeak, berriz, Euskarazko Disko Onenari dagokiona eskuratu du. Gainerakoan, Rosendo, Macaco eta Los Planetas izan dira sarituetako beste batzuk.

?Stay close? abestiak eman dio musikaren saria Delorean taldeari. Musika elektronikoaren arloko abestirik onena dela iritzi diote akademiako kideek. Bide Ertzeanek euskarazko kategoriako saria eskuratu du Don Inorrez diskoari esker.

Estatuko artisten artean, Rosendo izan da garaileetako bat bi sari lortuta; Disko Onenaren eta Rock Disko Onenaren sariak, hain zuzen ere. Pop Disko Onenaren saria Macacori egokitu zaio El vecindario diskoagatik. Pop Alternatiboaren Disko Onena Kiko Venenoren Dice la gente izendatu dute. Rock Alternatiboaren Disko Onena Los Planetasen Una ópera egipcia izan da eta Hip Hop Disko Onena, berriz, Mala Rodriguezen Dirty bailarina.

Musikaren Arte eta Zientzien Akademiak Musikaren Sarien XV. edizioa antolatu du aurten. Sari banaketa Madrilen egingo dute maiatzaren 18an.

src=http://www.eitb.com/multimedia/images/2010/06/18/309054/309054_delorean2010_nachoalegre6_detalle_1.jpg/



Informazio gehiago:Eitb: Deloreanek eta Bide Ertzeanek Musikaren Sari bana jasoko dute

162 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin