Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Delitu bera egin duten gidariei ibilgailua kenduko die Fiskaltzak


2011-03-08 13:16

Delituren bat egin duen gidariari atzemandako ibilgailua Gobernuaren edo bide segurtasunaren alorrean lan egiten duten erakundeen esku utziko da, gizartearentzako onuragarri izan dadin.

Delitu bera egin duten gidariei ibilgailua kendu egingo dio Estatuko Fiskaltzak, gaur Bartolomé Vargas bide segurtasun fiskal buruak iragarri bezala. Horrez gain, drogak hartuta gidatzen duten aurkako borrokari ekingo diote.

Ibilgailuen dekomisoen kasuan, delituren bat egin duen gidariari atzemandako ibilgailua Gobernuaren edo bide segurtasunaren alorrean lan egiten duten erakundeen esku utziko da, gizartearentzako onuragarri izan dadin.

Zentzu honetan, bide segurtasunaren biktimen elkarteei auto horiek ematea ere pentsatzen ari dira.

Bestalde, takografoen inguruko ikuskapen zerbitzua ere areagotu egingo da, eta delitu hauen inguruko zigorrak gogortu egingo ditu Fiskaltzak.

Hala iragarri du gaur Bartolomé Vargasek, Euskal Autonomia Erkidegoko Fiskal buruarekin egin duen bileraren ondoren. Bertan, Rodolfo Ares Herrizaingo sailburua, Idoia Mendia Justizia sailburua eta Juan Luis Ibarra EAEko Justizia Auzitegi Nagusiko presidentea izan dira.

Juan Calparsoro EAEko fiskal nagusiak eta Amparo Lopez Jaurlaritzako Trafiko zuzendariak ere bileran parte hartu dute.

Vargas-ek azaldu duenez, Euskadiko Justizia Auzitegian egiten diren epaiketa penalen erdia bide segurtasunaren kontrako delituen ingurukoak dira. Horregatik, bide segurtasun alorrean koordinazio lana egingo duen fiskal berezia izendatzea erabaki du Fiskaltzak.

Espainiako Gobernuak erabaki berri duen 110 kilometroko gehienezko abiadurari buruz, fiskal buruak ez du baloraziorik egin nahi izan, baina araua bete egin behar dela gogoratu du.

Honen harian, gehiegizko abiaduraren muga 200 kilometro ordutik 190 kilometro ordura jaistea aztertzen ari direla esan du Bartolomé Vargasek.





Informazio gehiago:Eitb: Delitu bera egin duten gidariei ibilgailua kenduko die Fiskaltzak

41 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin