Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

De Miguelek kontratu publikoen % 4ko komisioa kobratu omen zuen


2011-07-26 13:58

Irailaren 8an, Gasteizko instrukzioko laugarren epaitegiak De Miguel kasuko auzipetu gehienak deituko ditu.

Ertzaintzaren Ekonomia Delituetarako Taldeak Alfredo de Miguel diputatu ohiak eta gainontzeko auzipetuek kontrolatzen zituen enpresa taldeari buruzko auzia argitzeko txostena aurkeztu du. 167 orrialdetan, Ertzaintzak funtzionario-eroskeria, kapitalak zuritzea eta eragimen-trafikoa delituak babesten dituzten ebidentziak dauden aztertu du eta, txostenean adierazi duenez, gutxienez bitan kontratu publikoen % 4ko komisioa kobratu omen zuen De Miguelek.

Zehazki, kontabilitate-liburuetan zera agertzen zen: Kataia % 4. Kataia Consulting enpresako administratzaileak auzipetu nagusien emazteak dira. Emailen eta oharren bitartez sozietate horri zentzua emateko elektrizitatea kontratatzea, ibilgailua alokatzea, dietak fakturatzea eta administratzaileen sakelako telefonoak gehitzea erabaki zuten. Kasu horretan, Lapuebla de Labarcan eta Zigoitian lanak egiteagatik % 4 kobratu zuten.

Ekonomia Delituetarako Taldeak ikertuak izan diren beste enpresetako batek, Errexal izenekoak, Eusko Jaurlaritzak bigarren gazte plana egiteko eskatuko diola hilabete eta erdiko aurrerapenarekin jakin izana azpimarratu du. Gainera, auzipetuetako batek De Miguelen arrebari bidalitako email baten bitartez, egin ez diren lanengatik Eusko Jaurlaritzaren dirua jaso dela onartu dute.

Horrez gain, kontabilitate-liburuetan etengabe aipatzen dira diru beltzarekin egindako kobrantzak. Ertzaintzak auzipetuen enpresen arteko diru mugimenduak daudela azaldu du eta 500 euroko diru-sarrerak egiten zituztela esan du. Dirudienez, teknika erabili izan ohi da kapitalak zuritzeko operazioetan.



Informazio gehiago:Eitb: De Miguelek kontratu publikoen % 4ko komisioa kobratu omen zuen

69 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin