Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

De Miguel auziko ikerketan laguntzeko eskatu dio PPk EAJri


2011-04-20 12:40

Carmelo Barrio PPko legebiltzarkideak EAJri Arabako ustezko ustelkeria kasuak ikertzeko batzordeari laguntzeko eskatu dio, helburua ez delako EAJ ikertzea, De Miguel auzia argitzea baizik

Arabako ustezko ustelkeria kasuak ikertzeko batzordeari laguntzeko eskatu dio gaur Carmelo Barrio PPko legebiltzarkideak EAJri. Orain arte, batzordeak egindako lanak oztopatu egin dituztela esan du Barriok.

Legebiltzarrean egindako agerraldian, Carmelo Barriok esan du helburua ez dela EAJ ikertzea, De Miguel auziko ustelkeria kasua argitzea baizik.

Bere ustez, EAJk izan duen jarrera oztopatzaileak aurreko administrazioan irregulartasunak eta anomaliak egin zirela pentsatzera eraman dezake.

De Miguel auzia ikertzeko batzordearen inguruan biktimarena egiteko ikuskizuna antolatzea egotzi die jeltzaleei Carmelo Barriok. Horren ordez, EAJk egia bilatzeko helburuarekin erantzukizunez jokatu behar duela esan du popularrak.

Nahiz eta bide judiziala irekia egon, Legebiltzarrak ere bere ikerketa propioa egin dezakeela defendatu du Barriok. Bere hitzetan, De Miguel auzia argitzeko oinarrizkoak diren pertsonak erabili ditu EAJk batzordearen lana oztopatzeko.

Hala ere, ikerketa batzordeak aurrera jarraituko duela ohartarazi du, nahiz eta, bidean, oztopoak aurkitu. Dokumentazio eta agerraldi gehiago eskatuko dituztela.



Informazio gehiago:Eitb: De Miguel auziko ikerketan laguntzeko eskatu dio PPk EAJri

49 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin