Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Dani Martin Bilboko Euskaldunan izango da azaroaren 1ean


2011-09-20 16:05

Abeslariak bere azken diskoa aurkeztuko du Bizkaiko hiriburuan. Gogoratu Donostian ere kontzertua eskainiko duela azaroaren 5ean.

Dani Martin Bilboko Euskalduna Jauregian izango da azaroaren 1ean, Pequeño, azken diskoa, aurkezten. El Canto del Loco taldeko abeslariak eta konposatzaileak bakarka grabatutako diskoarekin Musika Sarietan hiru izendapen lortu ditu, eta bere lana osatzen duten kantuak entzuteko aukera izango dugu.

Kontzertua azaroaren 1ean izango da 20:00etan, eta sarrerak dagoeneko salgai daude. Sarreren salneurria 28 eta 34 euro bitartekoa izango da, eta sarrerak hemen eskuratu ahal izango dira: telefonoz 944 310 310 zenbakira deituta, Euskalduna Jauregiko lehiatiletan, BBKko kutxazainetan edo Internet bidez (generaltickets.com/bbk edo servicaixa.com).

Pequeño diskoa oso pertsonala eta autobiografikoa da, eta bere sentimenduekin eta abestiekin jendea identifikatzea nahi du kantari madrildarrak.

Kontzertu honetan disko honetako hainbat kantu entzun ahal izango ditugu: 16 añitos, Mira la vida, Mi lamento, Los valientes de la pandilla eta Tres encantos, besteak beste. Bestalde, azken hamaika urteetan Dani Martinek ospetsu bilakatu dituen kantu batzuk ere abestuko ditu.

El Canto del Loco taldearekin gazteen eta nerabeen idolo handi bat bihurtu da konposatzaile, abeslari eta aktorea, eta bakarka ere pertsonaia garrantzitsu bat izaten jarraitzen du. Orain, bere ibilbidearen aro honetan entzule zabal batera iritsi nahi du, abesti pertsonalak eta sakonak ere egin ditzakeela frogatuz.

Beraz, Bilbon izango da artista madrildarraz gozatzeko aukera, baina, gogoratu Donostian ere kontzertua eskainiko duela abeslariak, azaroaren 5ean.

Dani



Informazio gehiago:Eitb: Dani Martin Bilboko Euskaldunan izango da azaroaren 1ean

236 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin