Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Crystal Fighters: Londrestik abiatuta, Euskal Herria omentzen


2011-04-07 10:58

Bilbao BBK Live jaialdian arituko da taldea uztailaren 7an.

Crystal Fighters Londresen finkatutako taldea da baina, hasiera-hasieratik, zalantzak izan ditugu taldearen jatorriari buruz hitz egiterako orduan. Izan ere, taldearen Myspace ofizialean sartuz gero, euren jatorria Nafarroan daukatela ikus daiteke. Gainera, taldearen bideoklipen batean ere Nafarroako zenbait Inauteriren ereferentziak topatu ditugu. Nondik nora, bada, lotura hori?

Nonbait, taldekideren batek senideak dauzka Euskal Herrian. Laurek aitonaren etxean liburu bat topatu zuen. Bertan, amaitu gabeko memoria batzuk, olerkiak eta musikari buruzko informazioa zeuden, esan du Sebastian Pringle liderrak. Hortik aurrera, euskal kultura eta musika tresnak eta horietan gero eta gehiago sakontzeari ekin zioten taldekideek. Stars Of Love du izena taldearen estreinako diskoak eta iaz urte amaieran kaleratu zuten. Bertan, erritmo elektronikoak eta euskal folklorearen elementuak uztartu dituzte. Taldeak txalaparta eta txistua sintetizadoreekin eta techno oinarriekin nahastu ditu eta uztarketa berezi eta ixturaz ezinezko horrekin mundu osoko agertokietatik eta irratietatik, gero eta jende gehiago ari dira dantzan jartzen. 

Taldearen izenaren jatorria ere Euskal Herrian omen dago, aipatu dugun eskuizkribu hartako amaitu gabeko euskal opera bati egin baitio aipamena. Bertan, mundu errealaren eta mistikoaren arteko nahasketa ageri da, esan du Pringlek. Musikariak esan duenez, gure lurraldearekiko lotura pertsonala daukala eta oinez, bizikletaz eta autoz zeharkatu duela Euskal Herria eta bertako haitzuloez, haitzuloetako margoez eta naturaz gozatu omen du gehien. Are gehiago, Crystal Fighters taldeko kantariaren ametsetako bat Zugarramurdiko haitzuloak ukitzea omen da. Eta unibertso hori guztia taldearen bideoklipetan islatuta gelditu da.

Crystal Fighters taldearen musikaz gozatu nahi izanez gero, uztailaren 7an izango dugu aukera,Bilbao BBK Live jaialdian arituko baitira. Ea denbora librerik duten Nafarroa aldera jotzeko eta bisitatu nahi dituzten leku guztiak ezagutzeko.

src=http://www.eitb.com/multimedia/images/2011/03/11/435864/435864_crystalfighters3_detalle_1.jpg/



Informazio gehiago:Eitb: Crystal Fighters: Londrestik abiatuta, Euskal Herria omentzen

199 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin