Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Crystal Fighters eta Cut-Copy, Donostiako Jazzaldiko Agertoki Berdean


2011-04-13 13:51

Uztailaren 21etik 25era izango da jaialdia eta Deer Tick, Fanfarlo, Dawes eta B.B. King ere arituko dira bertan.

Crystal Fighters, Cut/Copy, Deer Tick, Dawes eta Fanfarlo taldeek 46. Heineken Jazzaldiko Agertoki Berdean joko dute. Antolatzaileek jaialdiko zenbait izarren izenak jakinarazi dituzte eta, talde horiez gain, B.B. King bluesman handia ere Gipuzkoako hiriburuko jazz jaialdian arituko dela iragarri dute (uztailaren 21ean). 

Uztailaren 22an Deer Tick taldearen txanda izango da. Deer Tick sasoi betean dagoen rock talde estatubatuarra da, ahoz aho zabaltzen ari den sekretua. Egun berean betiko folk-rock amerikar onaren soinu bizigarria ezaugarri duen Dawes taldeak joko du.

Uztailaren 23an nazioarteko indie eszenako talderik originaletakoa izango da Agertoki Berdeko oholtzan: elektropop doinuak eta euskal folkloreko elementuak uztartzen dituen Crystal Fighters. Halaber, Cut/Coy talde australiarra arituko da zuzenean, bere musika hipnotiko eta erritmo errepikakorrekin jendea liluratzen duen banda.

Uztailaren 24an Ingalaterrako talentu handiko Fanfarlo talde berria izango da, Arcade Fire, Beirut eta Belle & Sebastian taldeen arteko nahasketa.

Artista berriokin aberastuko da Donostian uztailaren 21etik 25era egingo den 46. Heineken Jazzaldia. Aurrez jakinarazitako musikarien artean, Chick Corea, John McLaughlin, Cyndi Lauper, Jan Garbarek, Dave Douglas, Medeski Martin & Wood, John Scofield, Mavis Staples, Abdullah Ibrahim, Lloyd Cole, Cassandra Wilson, Charlie Haden, Hiromi, Toots Thielemans eta askoz gehiago daude.

Crystal



Informazio gehiago:Eitb: Crystal Fighters eta Cut-Copy, Donostiako Jazzaldiko Agertoki Berdean

120 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin