Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Cristina Fernandezek tumorea du tiroideetan


2011-12-28 07:41

Medikuek azaldu dute gaixoen % 90-98 sendatu egiten direla.

Cristina Fernandez de Kirchner Argentinako presidenteari tumore bat antzeman diote tiroideetan, eta ebakuntza egin behar izango diote urtarrilaren 4an, Alfredo Scoccimarro haren bozeramaileak iragarri duenez.

Gaixotasuna azterketa mediku arrunt batean atzeman dute.

Nolanahi ere, Scoccimarrok azaldu duenez, tumorea ez da beste organoetara hedatu eta ez du metastasirik sortu. Ebakuntzaren ostean, estatuburua (58 urtekoa) bajan izango da urtarrilaren 24 arte.

Tarte horretan, Amado Boudou presidenteordea izango da estatuburua.

Abenduaren 10ean, Fernandezek bigarrenez hartu zuen Estatuko presidente kargua, urriaren 23ko hauteskundeetan aise irabazi eta gero.

Tumore guztiz sendagarria

Argentinako hainbat medikuk azaldu dute tumore mota hay guztiz sendagarria dela eta ez duela kimioterapiarik behar.

Gaixoen % 90-98 sendatu egiten dira, esan du Julio Moreno Buenos Aireseko Favaloro Fundazioko zirujauak, Ameria 24 telebista-katean egindako adierazpenetan.

Beste mediku batek, Ernesto Gil Dehezak Henry Moore Institutuko Ikerketa zuzendariak, gaineratu du tumoreak metastasi ahalmen oso txikia duela.

Babes mezuak

Cristina Fernandezen gaixotasunaren berri izan eta gutxira, Argentinako politikariek babes mezuak helarazi dizkiote.

Twitterren, #fuerzacristina gaia trending topic bihurtu da herrialde horretan.

Cristina



Informazio gehiago:Eitb: Cristina Fernandezek tumorea du tiroideetan

64 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin