Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Costa Crucerosen ontzi bat jitoan dago sute baten ondorioz


2012-02-27 17:15

Sua berehala itzali dute eta ez da zabaldu. 636 bidaiari eta 413 eskifaiako langile daude bertan.

Costa Allegra Costa Cruceros konpainiako itsasontzia jitoan dago Seychelle uharteetatik 200 mila ingurura, Indiako Ozeanoan, sorgailu elektrikoen gelan piztu den sute baten ondorioz.

Konpainiak agiri batean jakinarazi duenez, sua berehala itzali dute eta ez da beste inora zabaldu.

Suteen kontrako sistema guztiak martxan jarri dira eta suhiltzaileek sua itzali dute, adierazi du Costa Crucerosek Italian zabaldu duen agiri batean.

Behin behineko neurri gisa, larrialdi alarma piztu dute itsasontzian. Bidaiari guztiak eta larrialdietan lan egiten ez duten eskifaiako kideak leku jakin batean elkartu dira, gaineratzen du agiriak.

Konpainiak azaldu du orain makinen gela ikuskatzen ari direla berriro martxan jarri ahal dezaketen erabakitzeko eta itsasontzia bere onera itzultzeko.

Itsasontzia larunbatean atera zen Madagascar iparraldetik 636 bidaiarirekin eta eskifaiako 413 kiderekin, eta Seychelles bidera zihoan.

Konpainia bereko Costa Concordia itsasontziak hondoa jo eta 25 hildako utzi eta hilabete eta erdira gertatu da gaurko istripua.



Informazio gehiago:Eitb: Costa Crucerosen ontzi bat jitoan dago sute baten ondorioz

62 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin