Bizkaiko hiriburuko Bilbao Arenan izango da asteazkenetik igandera bitartean. Sarrera oso gutxi gelditzen dira, bakarrik funtzio batzuetarako.
Bilbon izango dugu berriz Cirque du Soleil. Oraingoan Alegria ikuskizuna aurkeztuko dute, asteazkenetik igandera bitartean, Bilbao Arena pabiloian.
17 herrialdetik etorritako 55 artista eta musikarik taularatuko dute ikuskizuna, eta akrobaziak izango dira bertan osagai nagusia. 12 metro altuko trapezioetan egingo dituzte akrobaziok, eta agertoki azpian ezkutatutako tranpolin sisteman ere hainbat koreografia landuko dituzte. Oreka-barran ere ariketak egingo dituzte taldeko artistek. Aurrekoetan baino argiztapen ilunagoa izango du ikuskizunak, arku gotikoekin eta angelu diseinuekin. Mundu osoan 10 milioi pertsonak baino gehiagok ikusi dute Alegria dagoeneko, eta kritika oso onak izan ditu nazioarte mailan.
Sarrera ia guztiak agortuta daude. Funtzio gutxi batzuetarako sarrerak baino ez daude eskuragarri.
