Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Christian Wulff, prentsa arrosaren presidente eredugarria


2012-02-17 12:13

Kohl kantzilerraren garaian gazte basatia goitizenaz ezaguna zen politikariak ez zuen, hasiera batean, presidente izateko asmorik. Merkelen arerioatzat izan zuten alderdi kontserbadorean.

Hautsitako familia baten semea (aitak abandonatu egin zituen eta amak esklerosi anizkoitza zuen), Zuzenbide ikasketak egin zituen unibertsitatean Osnabrück jaioterriko Ernst Moritz Arndt Gymnasyumean bigarren hezkuntza burutu ondoren. Estatuko bi azterketa gaindituta, 1987an eta 1990an, abokatu lanetan hasi zen.

16 urterekin CDU alderdi kontserbadorean sartu zen. Garai hartan, Helmut Kohl zen alderdiko agintari nagusia.

Profil politikoa izan du beti, eta 2010ko ekainaren 30ean Alemaniako Errepublika Federaleko presidente hautatu zuten Saxonia-Beheko presidentea eta CDUko presidenteordea izan ondoren. Wullfek Horst Köhlerren dimisioak utzitako lekua bete zuen.

Zentro-eskuinak gehiengo osoa izan arren, Christian Wulffek hautaketak hiru bozkaketa behar izan zituen sozialdemokratek eta berdeek proposatutako hautagaiari gailentzeko. Momentu horretan, Angela Merkel eta Guido Westerwellren koalizio Gobernua, 2009ko hauteskundeetatik ateratakoa, momentu latzak bizitzen ari zen.

Kohl kantzilerraren garaian gazte basatia goitizenaz ezaguna zen politikariak ez zuen, hasiera batean, presidente izateko asmorik. Merkelen arerioatzat izan zuten alderdi kontserbadorean, baina azken urteetan gazte basatia lasaiago zebilela zioten adituek.

Zalantzak

Esan bezala, nahiz eta hasiera batean presidente izateko gehiengo osoa alde izan, Angela Merkelen koalizioko hautagaiak azken zenbaketara arte itxaron behar izan zuen Alemaniako Presidente izendatu zezaten.

Ordutik aurrera, Wulffek bere alderdikideen zalantzei aurre egin behar izan die, batzuek ez baitzuten Alemaniako ordezkari gorenaren kargurako pertsona egokia ikusten. Wulff, pertsona irrifartsua eta portaera gozokoa, estratega gogorra izateagatik ere ospetsua izan da.

Prentsa arrosa eta ustelkeria

Lehenengo emaztea utzi eta bigarrenez ezkondu zenetik, Wulff, emaztea eta semetxoa sarri atera dira Alemaniako prentsa arrosan eta telebista saioetan, Alemaniako familia modernoaren eredugarri bihurtuta.

Ustezko ustelkeria kasuen auzia iragan abenduaren 13an atera zen; Bild egunkariaren arabera, Wulffek mailegu bereziak lortu zizkien enpresari lagunei milioi erdi euroren truke, eta, diru horrekin, etxea erosi zuen.

Wulff



Informazio gehiago:Eitb: Christian Wulff, prentsa arrosaren presidente eredugarria

57 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin