Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Christian Harluxet ELB sindikatuko idazkari nagusia hilik aurkitu dute


2011-06-16 18:49

Mixel Berhokoirigoin ELBko buruak esan du ez zeukala osasun arazorik eta ezuste handia izan dela heriotza. Traktore batean aurkitu dute hilik.

Christian Harluxet ELB sindikatuko idazkari nagusia eta Esne Saileko arduraduna hil da gaur. Eguerdian etxera itzuli ez dela-eta haren bila atera dira senideak, eta traktore batean aurkitu dute hilik.

Mixel Berhokoirigoin ELBko buruak esan du ez zeukala osasun arazorik eta ezuste handia izan dela heriotza.

Ahatsakoa zen (Nafarroa Beherea). 55 urte zituen eta esne ekoizlea zen. Euskal Herriko Laborantza Ganberako Biltzar Nagusiko kide zen, ELBko ordezkari gisa, eta Akitaniako elkarte batean ere hartzen zuen parte, Berriak jakinarazi duenez.

Haren lana goretsi du ELBk, prentsa ohar baten bidez. Sindikaturen eramaile sutsua izan da Christian 25 urtez. Besteen entzuteko gaitasun handia zuen, denen errespetua zuen eta denenganik errespetatua zen. Langile ikaragarria zen, gai desberdinak menperatzen zituen, agerian ziren sailez gain ekarpen handia zuen ELBrendako, bilkuretan, idatzietan, eguneroko ibilmoldean, laborantza iraunkorra garatu nahian, beste gizarte eredu bat sustatu nahian herri honetan.

Laborarientzat eta ELBrentzat ez ezik, Euskal Herriarentzako ere galtze izugarria izan da, sindikatuaren arabera. Gizarte eredu bat defenditzen zuen Euskal Herriarendako. Herriak bizirik ikusi nahi zituen. Elkartasuna, ttipien defentsa, zuzentasuna helburu ukan ditu bere bizi guzian.



Informazio gehiago:Eitb: Christian Harluxet ELB sindikatuko idazkari nagusia hilik aurkitu dute

62 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin