Cándido Méndez eta Ignacio Fernandez-Toxo Fatima Bañez ministroarekin batzartu dira gaur goizean, ostiralean onartutako lan-erreformaz hitz egiteko.
Espainiako Gobernuak onartutako lan-erreforma desorekatuta dagoela esan diote CCOO eta UGT sindikatuetako idazkari orokorrek Fatima Bañez Enplegu ministroari. Haien ustez, enpresarien interesen aldeko erreforma bat da, eta ez du epe laburrean lanposturik sortuko.
Cándido Méndez eta Ignacio Fernandez-Toxo Fatima Bañez ministroarekin batzartu dira gaur goizean, ostiralean onartutako lan-erreformaz hitz egiteko. Bilera horretan CEOE eta CEPYME patronaletako presidenteek ere parte hartu dute.
Lan-erreforma berri horrekin bide arriskutsu bati ekin diotela esan diote sindikatuek Bañezi. Krisia gainditzeko oso ibilbide arriskutsua hasi dute, azaldu du Mendezek.
Erreformaren edukiaz hitz egiteko bilera berriak egingo dituzte sindikatuek eta Gobernuko ordezkariek. CCOOeko eta UGTko idazkari orokorrek bilera horiek baloratu egin dituzte.
