Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Capriles, diskurtso moderatua oposiziotik


2012-02-13 10:36

Venezuelako oposizioan gertatu ohi ez bezala, Mirandako gobernadorea erradikalismotik aldendu egin da.

Henrique Capriles Radonski abokatu eta gobernadorea Hugo Chavez presidentearen aurkaria izango da Venezuelako hauteskunde orokorretan.

Caprilesen birraitona-amonak Treblinkako sarraskitze-esparruko biktimak izan ziren. Bera katolikoa da eta mezara joan ohi da.

Venezuelako oposizioko beste hainbat buruzagiren aldean, diskurtso erradikala saihestu du, irudi moderatuagoa emanda. Adibidez, kritikatu ohi du Chavez horrenbeste agertzea telebistan, baina haren programa sozialei eutsi beharra dagoela aitortu du.

Capriles klase altukoa da, sendi aberatsekoa. Izan ere, aitaren familia hedabide talde bateko eta higiezinen hainbat enpresaren jabe da, eta amaren sendiak hainbat zinema-areto ditu.

Abizenak boterearekin lotuta dituen arren, Capriles irudi elitista alboratzen saiatu da, txiroen artean ospe ona izateko.

Oso gaztea bada ere (39 urte), ibilbide politiko luzea egina du dagoeneko. Mirandako gobernadorea da, hauteskundeetan Diosdado Cabello (Chavezen alderdiko pertsona gogorrenetakoa) menperatu eta gero.

Halaber, Baruta herriko alkate izan da bitan, eta Diputatuen Ganbera ohiko presidente gazteena. Primero Justizia alderdiko kidea da, ia sortu zenetik.

Ez da inoiz ezkondu eta ez du seme-alabarik, baina hainbat maitasun-harreman ezagutzen zaizkio, hala nola Erika de la Vega aurkezlearekin izan zuena.

119 egun espetxean

2002 urteko estatu-kolpean, Hugo Chavez presidentearen aurkakoek Kubaren Venezuelako enbaxadan egindako erasoaren aurrea ezer ez egin izana egozten diote.

Alkate bazen ere, German Sanchez Kubako enbaxadoreak esan zuen Capriles ez zela erasoak saihesten saiatu. Ondorioz, 119 egun kartzelatu zuten, baina auzia justiziara iritsi zenean, absolbitu egin zuten.

Nire fede ona pelikula bihurtu zuten, kartzelatu ahal izateko, salatu zuen elkarrizketa batean.

Henrique



Informazio gehiago:Eitb: Capriles, diskurtso moderatua oposiziotik

46 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin