Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Cameron, Eskoziari independentzia erreferenduma eskaintzeko prest


2012-01-09 11:38

The Guardian egunkariak argitaratzen duenaren arabera, kontsulta loteselea izango litzateke.

David Cameron Erresuma Batuko lehen ministroak, Eskoziako bere homologoari, Alex Salmondi, Eskoziaren independentziaren inguruko erreferendum deialdia eskaini nahi dio, betiere datozen 18 hilabetetan egiten bada.

The Guardian egunkarian argitaratzen denaren arabera, Cameronek aste honetan egin nahi dio eskaintza politikari nazionalistari. Kontsulta loteslea izango litzateke eta soilik bi galdera izango lituzke: Erresuma Batuan jarraitu edo bertatik atera.

Cameronek hirugarren galdera bat ekidin nahi du, zehazki, Eskoziak autonomia gehiago eskuratzearen ingurukoa.

BBC kateak esaten duenez, gai hau Cameron bera buru den Gobernu bileran jarriko dute gaur bertan mahai gainean.

Salmonden Eskoziako Alderdi Nazionalistak (SNP) 2014 urtean deitu nahi du erreferenduma eta data eta edukia Gobernu autonomoak erabaki beharko lukeela uste du, BBC katearen esanetan.

The Guardian egunkariak argitaratu duenaren arabera, Eskoziako independentziaren aukerak eragin duen ezbaia, herrialdeko ekonomia kaltetzen ari da Cameronentzat, horregatik, ez zaio 2014ra atzeratzea komenigarria iruditzen.

Salmondek ordea, 2014 urtea nahigo du, orduan beteko direlako 700 urte Bannockburneko borrokatik, Eskoziak Ingalaterraren aurka lortutako garaipen garrantzitsua.

BBC kateari egindako elkarrizketa batean, Eskoziako gobernu autonomoko bigarrenak, Nicola Sturgeonek, Londresek epeak ez zehazteko ahalegin guztiak egingo dituztela berretsi du.

David



Informazio gehiago:Eitb: Cameron, Eskoziari independentzia erreferenduma eskaintzeko prest

142 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin