Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Burnia, dantza eta burdina uztartzeko ikuskizuna, Bilboko Arriagan


2011-06-09 13:49

10 dantzari izango dira taula gainean, burdinak gure gizartean eta ekonomian izan zuen garrantzia azpimarratzeko. Fernando Velazquezek jarri dio musika, eta Unai Elorriagak idatzi du gidoia.

Burnia dantza ikuskizunaren erabateko estreinaldia hartuko du  gaur Bilboko Arriaga Antzokiak. Arriaga Antzokiak berak ekoitzi du lana, Aukeran Dantza Taldearekin elkarlanean.

Ikuskizunak burdinari egin nahi dio omenaldia, dantzaren bidez, gure gizartean eta ekonomian izan zuen garrantzia azpimarratzeko. Fernando Velázquez El Orfanato pelikulako soinu bandaren egileak jarri dio musika lanari, eta Unai Elorriagak idatzi du gidoia. Bilboko Udal Musika Bandaren laguntzarekin, 10 dantzari izango dira taula gainean.

Bilbo inguruan eta Bizkaian dena da burdina, burdinak piztu gaitu eta burdinekin itzali gara. Bor-bor egin zuen burdinak burdinoletan, labe garaietan, irakiten jarri zen gerretan, Karlistadetan eta Gerra Zibilean. Burdinak mugitu gaitu tren itxuran, itsasontzi itxuran. Burdinazko zubi baten gainean bizi gara orain ere, ez atzera ez aurrera. Gure burmuina burdinazkoa da. Burdinaren gainean dantza egin behar dugu orain.

Ander Errasti, Naikari Galarraga, Ioritz Galarraga, Ane Anza, Ekain Kazabon, Ione Iriarte, Aritz Iglesias, Nerea Gurrutxaga, Martin Barandiaran eta Helis Legorburu dantzariek egingo dute dantza burdinaren gainean.

Osteguneko erabateko estreinaldia 20:00etan izango da, eta, ondoren, beste bi emanaldi eskainiko dituzte: ekainaren 10ean eta 11n, 20:00etan.

Sarrerek 6,40 eta 21 euro bitarteko salneurria dute, eta Arriaga Antzokiko leihatiletan, teatroarriaga.com webgunean, 944 310 310 telefonoan eta BBKren orotariko kutxazainetan eros daitezke.

Arriaga Antzokiak ekoitzitako bigarren dantza-ekoizpena da Burnia, 2009ko maiatzean estreinatu zuten Pobres bestias lanaren ostean.

src=http://www.eitb.com/multimedia/images/2011/05/31/486307/486307_EITBKULTURA_BURNIA_1024x576_detalle_1.jpg/



Informazio gehiago:Eitb: Burnia, dantza eta burdina uztartzeko ikuskizuna, Bilboko Arriagan

155 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin