Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Bularreko inplante akastunen egilea atxilotu dute Frantzian


2012-01-26 08:50

Jean-Claude Mas Florent Poly Implant Prothese enpresaren jabea da. Enpresa horrek saldu dituen inplanteetan urradura eta leherketa indizea oso altua da.

Frantziako Poliziak Jean-Claude Mas Florent Poly Implant Prothese (PIP) enpresaren jabea atxilotu du mundu osoan silikonazko bularreko inplante akastunak saltzeagatik, polizia-iturriek jakitera eman dutenez. Interpol nazioarteko polizia agentziak alerta gorria ezarri zuen inplanteen arriskuagatik eta Florentez gain, enpresako beste bazkide bat ere atxilotu dute.

PIP 1991n ireki zuten eta 2010ean itxi egin zuten saltzen zituen silikonazko bularreko inplanteak merkatutik kendu zituztelako. Frantziako Gobernuak zirujauarengana joan eta inplanteak kentzeko deia egin die aipatu silikona jarri duten emakumeei.

Hala ere, protesien % 90 Europako beste herrialde batzuetan eta Hegoamerikan saldu zituzten. PIP sektoreko hirugarren enpresa handiena izatera iritsi zen eta 300.000 inplante baino gehiago saldu zituen 60 herrialdetan.

Inplanteen osaeran atzeman dituzte irregulartasunak, baina Frantziako agintariek eta osasun adituek berretsi dute itxuran ez dagoela aparteko arriskurik minbizia areagotzeko. Hala eta guztiz ere, inplanteen urradura eta leherketa indizea oso altua da.

Mas Florent gizon misteriotsua da. Frantziako Poliziak galdekatu egin zuen 2010eko azaroan, baina kargurik gabe libre utzi zuten. Era berean, PIPen fabrika nagusiak, Toulon hirian dagoenak, enpresako bazkide baten esku jarraitzen du.

Bularreko



Informazio gehiago:Eitb: Bularreko inplante akastunen egilea atxilotu dute Frantzian

52 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin