Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Bost urteko isilunearen ostean Red Hot Chili Peppers bueltan da


2011-07-19 10:27

Abuztuaren 30ean helduko da Im with you diskoa baina, dagoeneko eskuartean dugu taldearen lehen singlea: The Adventures of Rain Dance Maggie.

Abuztuaren 30ean kaleratuko du Red Hot Chili Peppersek disko berria baina, dagoeneko kalean da taldearen lehen singlea (The Adventures of Rain Dance Maggie).

Bost urteko isilunearen ostean, bueltan da Kaliforniako laukotea eta, esan bezala, proiektu berriarekin iritsi dira. Youtuben izan diren filtrazioak tarteko, azkenean KROQ irratian zabaldu dute lehen singlea.

Gainera, I?m with you estudioko lan berriari buruzko xehetasunak eman ditu taldeak eta, iragarritakoaren arabera, hamalau kantuk osatuko dute diskoa.

Ibilbidea

2006an atera zuen Stadium Arcadium lana Red Hot Chili Peppersek eta orduz geroztik ez dugu taldearen kantu berririk entzun.

Orain hamargarren estudioko diskoa kaleratuko dute eta aldaketaz beteta iritsiko da proiektu berria, abenduan John Frusciante gitarra-joleak taldea utzi baitzuen eta honen ordez Josh Klinghoffer aritu baita diskoaren grabazioan.

Chad Smith taldeko bateria-jotzailearen hitzetan, diskoak Red Hot Chili Peppersen soinua izango du, baina, aurrekoetatik ezberdina izango da.

Kontzertu bira

Disko berriaren aurkezpen bira espainiar Estatura helduko da abenduan eta momentuz bi kontzertu iragarri dituzte: bata Madrilen eta bestea Bartzelonan. Madrileko kontzertuko sarrerak agortuta daude jada.



src=http://www.eitb.com/multimedia/images/2011/07/19/513480/513480_rethot_detalle_1.jpg/



Informazio gehiago:Eitb: Bost urteko isilunearen ostean Red Hot Chili Peppers bueltan da

52 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin