Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Bonbardaketaren 74. urteurreneko ekitaldi ugari gaur, Gernikan


2011-04-26 09:17

Ekitaldi daude aurreikusita gaurko, tartean Bakearen eta Adiskidetzearen Gernika Sariak; Gernikazarra elkarteari eta Gerri Adams Irlandako politikoari emango dizkioteGernikako bonbardaketaren 74. urteurrena dela eta ekitaldiak egingo dituzte gaur Bizkaiko udalerrian; besteak beste Bakearen eta Adiskidetzearen Gernika Sariak banatuko dizkiete Gernikazarra elkarteari eta Gerry Adams Irlandako politikoari.

Ekitaldien artean George Steer kazetariari omenaldia ere egingo diote; 11:30ean izango da hori The Times egunkariko idazlearen bustoaren aurrean, bere jaiotzaren mendeurrena dela eta. Ordu erdi beranduago, Lizeo Antzokian Bakearen eta Adiskidetzearen VII. Gernika sariak banatuko dituzte.

Arratsaldeko laurak aldera sirena hotsak entzungo dira condor legioaren bonbardaketa hasi zen unea gogorarazteko. 16:30ean, berriz, Zalloko hilerrian errespontsua eta lore eskaintza egingo dizkiete bonbarketan hil zirenei. Bertan izango dira Idoia Mendia Jaurlaritzako Justizia sailburua, Josune Ariztondo Bizkaiko Kultura diputatua, Ana Madariaga Bizkaiko Batzar Orokorretako presidentea eta Jose Maria Gorroño Gernika-Lumoko alkatea.

Urteurren ekitaldien barruan Jon Iturralde artistaren Gernika ikus-entzunezkoa ere proiektatuko da eta Gernika Sutan antzerkia egingo dute herriko hainbat lagunek; hori 20:00etatik aurrera izango da. Eguna amaitzeko, 21:30ean manifestazio isila egingo dute herrian barrena kandelak eskuan hartuta.

Kontuan izan behar da gainera, Bakearen Museoan gaur hainbat ekitaldi eta bisita gidatu egingo direla egun berezi hau dela eta.



Informazio gehiago:Eitb: Bonbardaketaren 74. urteurreneko ekitaldi ugari gaur, Gernikan

105 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin