Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Bizkartzainek protesta egingo dute akordiorik gabeko EREen aurka


2012-01-18 14:53

EAEn uda baino lehen 1.400 bizkartzain lanik gabe geldituko direla ohartarazi dute eta irtenbide bat nahi dute.

EAEko bizkartzain pribatuak Gasteizko Eusko Jaurlaritzaren aurrean bilduko dira, Gobernuaren jokabidearen aurka protesta egiteko. Azken honek, komitearekin akordio batera iritsi gabe EREak onartu dituztela diote eta Euskadin uda baino lehen lanik gabe geldituko diren 1.400 bizkartzainentzat irtenbidea eskatzen dute.

Joan den ostegunean jada protesta deitu zuen USO sindikatuak eta oraingoan ere Lakua parean bilduko dira. Lehengo asteko protestan USOko ordezkariek Herrizaingo sailarekin elkarrizktea bat eskatu zuten, baina erantzunik jaso ez dutela salatu dute. Hori dela eta, berriz mobilizatzea erabaki dute.

Txomin Marañon USO sindikatuko idazkari orokorrak esan du joan den osteiralean Eusko Jaurlaritzak akordiorik gabeko beste ERE bat onartu zuela, oraingoan Casesa segurtasun enpresak aurkeztutakoa, eta 156 bizkartzain kalean geldituko direla.

Casesak antzeko beste ERE bat egiteko asmoa duela azaldu du Marañonek, Segur Ibericak 280 lagun inguru kaleratu nahi dituela, Coviarrek 200 inguru eta Ombudsek 147.

Hauei guztiei Eulenekin adostutako EREa gehitu behar zaio (beste 50 laguni eragin die) baita Sabicorekin adostutakoa ere. USOren aurreikuspenen arabera, uda baino lehen 1.400 bizkartzain gutxiago egongo dira lanean EAEn.

EAEko Bizkartzain Aktiboen Elkarteak, ordea, ez du protestarekin bat egingo, bata besteari erru botatzea ez dela irtenbidea iritzita. Garrantzitsuena irtenbide bat aurkitzea dela esan dute, aurrejubilazioen bitartez edota tratu txarrak jasaten dituzten emakumeak babesten, esaterako.



Informazio gehiago:Eitb: Bizkartzainek protesta egingo dute akordiorik gabeko EREen aurka

97 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin