Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Bizkaiko ahaldun nagusia asteartean izendatuko dute


2011-06-23 16:09

Jose Luis Bilbaok (EAJ) karguan jarraituko du, izan ere, bigarren eta hirugarren alderdien bat-egiteak (Bildu, 12 batzarkide; eta PSE-EE, 9 batzarkide) ez ditu EAJren 22 batzarkideak gainditzen.

Bizkaiko Ahaldun Nagusiaren izendatzeko bildura hurrengo asteartean, ekainaren 28an, egingo dute Gernikan . Jose Luis Bilbao EAJren hautagaiarekin batera, Bilduk Zuriñe Gainza aurkeztuko duela iragarri du.

Iragarpena prentsa ohar baten bidez egin du EAk, Alternatibak eta independenteek osatutako koalizioak. Ohar horretan, Bilduk 12 batzarkide lortu dituela azpimarratu du, bigarren indar politikoa da EAJren 22 batzarkideen atzetik.

Bilduren esanetan, koalizioaren helburua Bizkaiko gizarteak eskatzen duen aldaketa politiko, ekonomiko eta soziala bultzatzea da, politika beste era batean eginez. Horretarako Aldundia eta Batzar Nagusiak demokratizatzeko beharra ikusten dute, erabakitzeko prozesuaren ateak herritarrei zabalduz.

Beste Bizkaia baten alde egingo dutela ere azaldu dute, ekonomía sozial eta kooperatiboan oinarrituta, enpresarien proiektu erraldoietatik, politika ekonomiko espekulatzaileetatik eta ingurugiroari kalte egiten dioten azpiegitura garestietatik urruti.



Bildu, PSE-EE eta PP, akordiorik gabe

Bilduren hautagaitzak oso aukera gutxi ditu, izan ere, EAJ gainditzeko, PSE-EE eta PPren babesa lortu beharko dute. Bi alderdi horiek 9 eta 8 batzarkide lortu zituzten, hurrenez hurrez, iragan maiatzaren 22ko hauteskundeetan.

Koalizio abertzalearen botoen (12 batzarkide) eta hirugarren alderdiarenak (PSE-EE, 9 batzarkide) batuta ere, ez lituzkete Jose Luis Bilbaoren alde egingo duten 22 batzarkideak gaindituko.



Informazio gehiago:Eitb: Bizkaiko ahaldun nagusia asteartean izendatuko dute

145 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin