Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Bizkaiak ere errefusatu du Legebiltzarrean fiskalitateaz eztabaidatzea


2011-09-30 12:04

Gasteizko Ganberak ez duela zerga sistemari buruzko eskuduntzarik gogorarazi dio Foru Aldundiak lehendakariari.

Juan Mari Aburto Bizkaiko Aldundiko bozeramaileak ere ezetza eman dio lehendakariari, eta errefusatu egin du fiskalitatea Eusko Legebiltzarrean eztabaidatzea, Ganberak ez baitu zerga sistemari buruzko eskuduntzarik.

Euskadi Irratian egindako elkarrizketa batean, Aburtok Patxi Lopezek atzo politika orokorreko eztabaidan egindako proposamena hartu du hizpide. Hain zuzen ere, fiskalitatea Gasteizko Ganberan eztabaidatzea eta hiru Aldundiek parte hartzea proposatu zuen gobernuburuak.

Lehendakariak jakin egin behar du erakunde bakoitzak zer eskuduntza dituen, eta jakin badaki Legebiltzarrak ez duela fiskalitateari buruzko eskuduntzarik, berretsi du.

Bestalde, Bizkaiko Aldundiko eledunak denon artean harmonizazio fiskalari buruzko akordioa lortzearen alde egin du, Aldundi bakoitzeko gobernuan alderdi ezberdin bat badago ere.

Ondasunen gaineko zerga

Bestalde, Aburtok gogorarazi du Bizkaiko Foru Aldundiak Madrilen kendu zutenean indargabetu zuela ondasunen gaineko zerga: Guk ez genuen indargabetu nahi, baina gure inguruan gertatzen denak eragina du gurean.

Bere esanetan, Jose Luis Bilbao ahaldun nagusiak berriz ezarriko du zerga, aldez aurretik Espainian onartzen badute.



Informazio gehiago:Eitb: Bizkaiak ere errefusatu du Legebiltzarrean fiskalitateaz eztabaidatzea

79 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin